web counter
LEXO PA REKLAMA!

SHKARKO APP

App Store
Google Play

E fundit!

x

Mini Shengeni Ballkanik/ Në Samitin e Ohrit merr pjesë edhe Majlinda Bregu

9 Nëntor 2019, 20:45, Politikë CNA

Samiti i Ohrit midis liderve ballkanik Zaev -Vuçiç-Rama, për krijimin e mini Shengenit, i cili synon t?i sjell vendet më afër, duke mundësuar bashkëpunim  ekonomik dhe lëvizje të  lirë të njerëzve dhe mallrave në Ballkan, duket se ka tërhequr mjaft vëmendje në politikën e jashtme, jo vetëm rajonale, por edhe më gjerë.

Në samitin e Ohrit, që nisi pasditen e sotme dhe do të vazhdojë dhe nesër, po merr pjesë edhe Sekretarja e Përgjithshme e Këshillit të Bashkëpunimit Rajonal, Majlinda Bregu.

Kujtojmë se më herët, Zaev priti në një takim kryeministrin Rama dhe presidentin e Serbisë Aleksandër Vuçiç.

Po ashtu, bëhet me dije se, pjesë e axhendës do të jetë një mbledhje pune ku përveç tre liderëve të Ballkanit Perëndimor do të marrin pjesë kryetari i Këshillit të Ministrave të Bosnje-Hercegovinës, dhe ministrja e Ekonomisë të Malit të Zi.

Në Samitin e Ohrit nuk do të ketë prani të Kosovës, fakt i cili u konfirmua nga Presidenti Thaçi pak minuta më parë, i cili përmes një postimi në rrjetet sociale do të tregonte edhe arsyet që e shtyn të merrte këtë vendim.

Kujtojmë se disa ditë më parë, Presidenti serb Aleksandër Vuçiç, do të ftonte të merrnin pjesë në takim përveç Kosovës edhe Bosnjen dhe Malin e Zi./CNA.al





Lajmet e fundit nga