web counter
LEXO PA REKLAMA!

SHKARKO APP

App Store
Google Play

Kryemadhi takohet me drejtorin e institutit amerikan/ Çfarë diskutuan

29 Tetor 2019, 17:59, Politikë CNA

Kryetarja e LSI, Monika Kryemadhi ka zhvilluar sot një takim  me Robert Benjamin, Drejtor për Europën Qendrore e Lindore të Institutit Demokratik Amerikan (NDI).

Përmes një statusi në rrjetet sociale Kryemadhi shprehet se e ka falenderuar për kontributin e dhënë gjatë bashkëpunimit shumë vjeçar të LSI me NDI.

Po ashtu, Kryemadhi thekson se ka folur me Benjamin  dhe  për reformën zgjedhore, ku sipas saj LSI është e angazhuar me integritet të plotë për t?i shërbyer interesit të qytetarëve dhe për të ardhmen e Shqipërisë në BE.

Statusi i plotë:

Sot pata kënaqësinë të zhvilloja një takim me z. Robert Benjamin, Drejtor për Europën Qendrore e Lindore të Institutit Demokratik Amerikan (NDI).

E falenderova për kontributin e dhënë gjatë bashkëpunimit shumë vjeçar të LSI me NDI. Për mbështetjen e pakursyer me ekspertizë amerikane dhe ndërkombëtare për rritjen e kapaciteteve të forumit rinor dhe atij të gruas, për realizimin e transparencës financiare të partisë, për rritjen e standardit të përfaqësimit dhe politikbërjes.

Diskutuam mbi rëndësinë themelore që ka në demokraci vota e lirë dhe e barabartë. Gjithashtu theksova angazhimin e LSI për një reformë zgjedhore me integritet të plotë që do i shërbejë interesit të qytetarëve dhe për të ardhmen e Shqipërisë në BE.

Vlerat e demokracisë euro-atlantike janë udhërrëfyesi më i mirë për forcimin e shtetit të së drejtës, tregut të lirë dhe garanci për ndërtimin e jetës në Shqipëri./CNA.al





Lajmet e fundit nga