E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Një këshillë miqësore për Kryemadhin/ Ja si mund ta ndalë shpopullimin e Shqipërisë

28 Tetor 2019, 09:54, Politikë CNA

Kryetarja e Lëvizjes Socialiste për Integrim, Monika Kryemadhi ka folur dje në Samitin për Paqen në Europën Juglindore, ku ndër të tjera ka bërë thirrje për ndaljen e shpopullimit të Shqipërisë.

?Ne të gjithë bashkë duhet të bëjmë gjithçka që të ndalim hemorragjinë kombëtare të shpopullimit, të ndezim dritën e shpresës për rininë, të zhvillojmë ekonominë dhe të hapim tregun për të gjithë?, u shpreh një ditë më parë Kryemadhi.

Në fakt ?shpopullimi i Shqipërisë?, është një temë për të cilën ka folur shpesh kohët e fundit Monika Kryemadhi.

Por, në qoftë se ka një forcë politike për shpopullimin e vendit, ajo është Lëvizja Socialiste për Integrim dhe banda e saj e hajdutëve, më në krye Monika Kryemadhin dhe Ilir Metën, që sot është edhe president.

Kjo për shumë arsye. Jo vetëm se tradhëtoi socialistët dhe mbajti në pushtet Berishën në vitin 2009, por sepse u kap duke vjedhur dhe nuk është ndëshkuar kurrë. Sepse gjithë çeta e saj është kthyer në një korporatë korruptive personale e Ilir Metës, e cila pasi mbushi xhepat me paratë që iu vodhi shqiptarëve gjatë qeverisë së Sali Berishës u vërsul për të rithirrë Edi Ramën dhe Rilindjen në pushtet dhe ja ku jemi sot.

Në dhjetë vitet e fundit, LSI-ja ka qënë tetë vite në pushtet. Prandaj nëse ka një forcë politike përgjegjëse për atë që thotë Kryemadhi, është pikërishr partia e saj. Sepse dy partitë e mëdha kanë qënë respektivisht në pushtet katër dhe pesë vite. LSI-ja ka qënë plot tetë vite.

Dhe e vërteta është se njërëzit nuk shohin më shpresë jo vetëm tek Edi Rama si kryeministër, dhe tek Rilindja, por nuk shikojnë më shpresë as tek Lulzim Basha dhe republika e re, e jo më të shpresojnë tek Mona, e cila do të bëjë politikë që të ndalojë shpopullimin e vendit, sepse do sjellë rritje ekonomike dhe zhvillim.

Të shpresosh të vijë Mona që të mos shpopullohet vendi, i bie që nesër që pretendon të vijë në pushtet ajo me Liken, të gjithë duhet të marrin malet.

Dhe nëse Mona kërkon vërtetë të ndalojë shpopullimin e Shqipërisë, ne kemi për të një këshillë shumë miqësore.

Të ikë ajo së bashku me Liken, Ramën dhe Bashën, dhe do e shohë Mona si do ndalojë shpopullimi i Shqipërisë./ CNA.al