E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

"Është e keqja më e madhe"/ Vasili zbulon hapat e opozitës për largimin e Ramës nga pushteti

23 Tetor 2019, 14:59, Politikë CNA

Nënkryetari i LSI-së Petrit Vasili nga studio e ?Top Talk? duke komentuar situatën politike në Shqipëri dhe hapat konkret që do të ndjek opozita pas ?jo?-së për negociatat, ka paralajmëruar protesta në të ardhmen për dorëheqjen e kryeministrit Rama.

Sipas Vasilit, opozita po bën një detyrë të rëndësishme për të shmangur përplasjen e fortë qytetare dhe se ?opozita është e vendosur në hapat e saj për të përdorur çdo instrument izolues, demaskues dhe protestues për të larguar Edi Ramën nga pushteti si e keqa më e madhe.?

?Në parlament Ramën nuk e pengonim dot, as brenda dhe as jashtë tij për këtë arsye u desh të jepnim dorëheqje nga mandatet. Në kushtet e një suksesi politik, përballë mos hapjes se negociatave shumë udhëheqës politik kanë dhenë dorëheqjen.

Ne bëm shumë mirë që u larguam nga parlamenti sepse tashmë si opozitë kemi mundësinë dhe po bëjmë të pamundurën që të japim të gjitha opsionet për të dalë pa dëme të mëdha nga kjo krizë. Ky person do të bëjë Reformë Zgjedhore, por kush ja lejon atij një gjë të tillë.

Opozita po bën një detyrë shumë të rëndësishme për të kanalizuar situatën dhe evituar përplasjen e fortë qytetare në vend për shkak të krizës.

Opozita në një rast të tillë me kaq kosto të mëdha, falë veprimeve të saj qoftë edhe me dorëheqjen e mandateve iu ka demostruar shqiptarëve që asgjë nuk vlen përfshirë dhe mandatet, pasi ky vend ka dalë nga shinat. Nuk jemi bërë pishman për dhënien e mandateve sepse nese ne nuk do ta kishim bërë këtë gjë në KE nuk do të flitej për krizë politike në Shqipëri dhe probleme zgjedhore.

Ne deri në 2016 kemi qenë shumë të përgjegjshëm pasi që e morëm rekomandimin falë avancimit që bëm me votimin e Reformës në Drejtësi në mënyrë unanime, pavarësisht se kishim 5 kushtet. Mirëpo, çfarë ka ndodhur tani? Këto 5 kushte njëherë u bën 9 dhe tashmë pas ?jo?-së janë edhe shumë më tepër.

Hapi konkret i opozitës sot është asnjë hap pas me çdo instrument izolues, demaskues dhe protestues për të larguar Edi Ramën nga pushteti si e keqa më e madhe.?, është shprehur Petrit Vasili./CNA.al