web counter
LEXO PA REKLAMA!

SHKARKO APP

App Store
Google Play

INU në Elbasan me "dorë të hekurt"/ Fadromat “mësyjnë” edhe socialistët

23 Tetor 2019, 09:00, Politikë CNA

Inspektoriati Ndërtimor Urbanistik në Elbasan, ka vite që ka bllokuar, penalizuar dhe shkatërruar nga themelet, çdo objekt që ka rezultuar me shkrlje ligjore.

Duke folur për ?CNA.al? drejtori i INU në Elbasan, Leli Kaja deklaroi se ?nuk kemi toleruar asnjë qytetar, asnjë socialist, madje e them me bindje se ata kanë qenë ndoshta më të prekurit nga fadromat tona, partia ime ka qenë dhe mbetet ligji dhe zbatimi i tij?.

Duke folur mbi problemet e ditës, zoti Kaja tha se ?vetëm për vitin 2018- 2019 kemi nisur drejt Krimit Ekonomik dhe Prokurorisë qindra denoncime me fakte dhe jo llafe, kemi nisur drejt organeve të zbatimit të ligjit, qindra emra subjektesh dhe personash që janë kapur me shkelje ligjore, dhe se Prokuroria dhe Gjykatat duhet ti ndëshkojnë.

INU Elbasan, përgjatë vitit 2019 ka vazhduar me plan-inspektimin duke vjelë edhe informacione nga banorët e qytetit dhe zonave rurale, për çdo objekt  që tenton të ngrihet duke shkelur ligjin.

Ne jemi në fazën e bashkëpunimit intensive me Kadastrën e Shtetit, organet e policisë, gjykatë e prokurori, për të evidentuar dhe prishur çdo objekt që nuk e ka marrë lejen e legalizimit, apo për çdo objekt që pengon me dashje investimet, si rrugët, kanalizimet, etj.

Aksionet e INUV Elbasan kanë vazhduar edhe përgjatë muajve të verës, ku janë prishur mbi 118 objekte në zona ku janë ngritur pa leje mbi rrjete ujësjellësi, kanalizimet e ujërave të zeza, që kanë bllokuar rrugica dhe rrugë dytësore në lagje dhe zonat e banuara fushore dhe malore?.

Sipas zotit Kaja ?mbështetja nga Bashkia ka patur në sfond evidentimin dhe verifikimin e çdo leje ndërtimi, për të mos toleruar asnjë që shkel kondicionet urbanistike, apo që guxon të ngrejë ndonjë kat shtesë mbi ato ekzistuese?.

INUV Elbasan, pret  dhe shqyrton çdo ditë mbi 250 ankesa dhe kërkesa  nga  subjektet  private dhe qytetarët, duke nisur madje  edhe të shtunave  në  terren  inspektorët e vet. Shumë shpejt do të nisë një tjetër aksion për zhbllokimin e hapësirave të gjelbërta në disa lagje të Elbasanit, dhe zonave rurale në atë Bashki./ Artur Ajazi-CNA.al





Lajmet e fundit nga