web counter
LEXO PA REKLAMA!

SHKARKO APP

App Store
Google Play

U rrëmbye dhe u torturua 13 vite më parë/ Djali i Remzi Hoxhës mesazh Ramës

21 Tetor 2019, 08:44, Kronika CNA

Djali i të ndjerit Remzi Hoxha, i rrëmbyer dhe i torturuar 13 vjet më parë, Ardian Hoxha, tha sot se i implikuari kryesor i vrasjes së babait të tij, Budjon Meçe, nuk është më gjallë.

Në përkujtim të 24-vjetorit të vrasjes së të atit, e cila është cilësuar si një nga ngjarjet më enigmatike të Prokurorisë shqiptare,  Ardian Hoxha i ka drejtuar një mesazh kryeministrit, ndërsa tha se qeveria ?Rama? dështoi të zbardhte këtë ngjarje. Po ashtu ai shtoi se babai i tij dha jetën për kombin shqiptar.

?Iu drejtova kryeministrit Rama, fillimisht na u tha se i duhej kohë, që të merret me çështjen. Por, në 2015 prapë e takova dhe i ofrova edhe një zgjidhje, se si ta zgjidhte më shpejt e më lehtë këtë çështje, duke e kapur Budjon Meçen, pasi kisha informacion se gjendej në Shqipëri, më orientoi te Saimir Tahiri, që ishte ministër i Brendshëm dhe më tha t?ia çoja të gjitha informacionet.

Tahirit ja kam nënvizuar që Budion Meçeja ka qenë i implikuar, në email shihet edhe përgjigja e tij, se do ja kalonte policisë, por që nuk është bërë asgjë. Tashmë kam informacionin se Meçeja nuk është i gjallë më. Kemi humbur një rast për të zbardhur drejtësinë. Kjo është shumë zhgënjyese për ne familjarët, pasi kishim shpresa të mëdha se do na ndihmonte të gjenim eshtrat. Kjo tregon se edhe kjo qeveri nuk ka qenë e interesuar të zbardhë rastin e babit tonë. Babi im, si shumë njerëz të tjerë, jetën e ka humbur për kombin shqiptar. Është shumë zhgënjyese për ne dhe shumë familje të tjera?, tha djali i Remzi Hoxhës.

Më tej, tha se për të ndihmuar në zbardhjen e kësaj vrasje, po përgatiten edhe dy dokumentarë për figurën e tij, njëri narrativ dhe tjetri artistik.

?Për të rritur presionin, ne kemi filluar të bëjmë edhe dokumentar për figurën e babait tim. Do bëhen dy dokumentarë, njëri narrativ dhe tjetri do të jetë dokumentar artistik?, u shpreh Ardian Hoxha.





Lajmet e fundit nga