web counter
LEXO PA REKLAMA!

SHKARKO APP

App Store
Google Play

Tërheqja e shqiptarve nga kampet e ISIS/ Ministri i Kosovës zbardh skemën e riatdhesimit

21 Tetor 2019, 20:13, Politikë CNA

Për të kuptuar edhe arsyen se pse e ka kaq të vështirë qeveria shqiptare për kthimin e personave të mbetur në kampet e ISIS, gjatë një lidhje skype për emisionin ?Open?, Ministri i Drejtësisë së Kosovës, Abelard Tahiri, ka shpjeguar operacionin e ndërmarrë nga qeveria kosovare për tërheqjen 110 kosovarëve.

Sipas Tahirit, operacioni për tërheqjen e këtyre personave ka qenë i fshehtë dhe me mbështetjen e partnerëve ndërkombëtar.

?Kemi patur partneritet të ngusht me disa shtete, sidomos SHBA dhe nga ana tjetër inteligjenca jonë, po ashtu ka kryer një punë të mirë në identifikimin e këtyre personave.

Kur e kemi kryer këtë operacion gjithçka  ka qenë në mënyrë të fshehtë.Ka qenë një sfidë e madhe për ne kur kemi kthyer 110 persona dhe kemi patur frikën e opinionit publik.  Kur e kemi kryer këtë operacion nuk kemi pasur dyshime a duhet, thjesht i kemi sjell këto persona për riatdhesim.

Operacioni filloj në shtator të 2018 dhe nuk e dinim kur do të përfundonte, vetëm në mars jemi qartësuar.

Ne tërhoqëm të gjithë ata persona që arritëm të kontaktonim. Madje jemi munduar të kthejmë me vështirësi 9 fëmijë që ishin aty pa prind. Kjo ka qenë sfida jonë më e madhe. Në atë zonë nuk ka mbetur asnjë shtetas kosovar,përveç një gruaje e cila ka qëndruar aty me dëshirën e vetë dhe më pas u largua në Irak për luftime në Irak?, është shprehur Tahiri./ CNA.al





Lajmet e fundit nga