web counter
LEXO PA REKLAMA!

SHKARKO APP

App Store
Google Play

Myslim Murrizi ngre tonet/ Do të shporr edhe spiunët e fundit që kanë ngelur në këtë sallë

9 Tetor 2019, 08:46, Politikë CNA

Në senacën e sotme parlamentare po zhvillohet interpelanca e kërkuar nga deputeti Myslim Murrizi, me ministren e Financave, Anila Denaj, në lidhje me luftën anti-informalitet.

Ka qenë deputeti Myslim Murrizi ai që ka folur i pari ku ka parashtruar të gjithë debatin e tij dhe më pas është përgjigjur Denaj.

Por, pas fjalës së Denajt, Murrizi ka folur me tone të forta, ndërsa theksoi se ajo që tha Denaj, ishte njëlloj sikur po shpalos programin e Ministrisë dhe jo përgjigje për pyetjet, të cilat i drejtoi.

Për Myslim Murrizin aplikacioni dixhital për denoncimet nuk është zgjidhje, pasi është administrata që duhet të bëjë kontrollet e bizneseve.  “Mu duke se po shpalos programin e Ministrisë. Unë do të ndërmarr një nismë ligjore për të larguar spiunët edhe nga Kuvendi. Kam luftuar në ’90 dhe do ta bëj edhe tani, derisa të shporr edhe spiunin e fundit në këtë sallë. Prandaj edhe nuk e shkarkoj aplikacionin, pasi keni punonjësit e tatimeve për këtë punë.

3.5 milion buxheti i shtetit që shqiptarët paguajnë është për të mbajtur në këmbë administratën për të bërë punën e tyre.  Mos na dil në televizor në gusht dhe pas 48 orësh dolën. Call Center nuk është kompani, ftillohuni dhe bëni një politikë të mirë që të ketë kushte lehtësuese për bizneset. Këta oligarkët që thotë Basha i ke kontrolluar? Që kanë marrë 20 mln euro tendera?”.

Më tej, ai i kërkoi llogari Denajt për një gjobë 100 mijë euro që sipas Murrizit është anulluar.

?Pse e ke anulluar gjobën 100 mijë euro? Ju më thoni e keni pezulluar. Arrestuat 23 administratorë me aksion blic dhe i nxori të gjithë një nga një gjykata. Janë të njëjtët që ju vetë u jepni tendera.

Gjoba është e prillit 2019, 100 milion euro. Më thuaj kush e kontrollon? Ju vini gjoba për një faturë për ujë të gazuar, por për këtë jo ?-deklaroi ndër të tjera Murrizi./ CNA.al





Lajmet e fundit nga