web counter
LEXO PA REKLAMA!

SHKARKO APP

App Store
Google Play

Dhuna ndaj grave krim i rëndë/ Rama me “dorë të hekurt”, bën paralajmërimin e fortë

9 Tetor 2019, 08:35, Politikë CNA

Kryeministri Edi Rama ka deklaruar sot se dhuna ndaj grave duhet të cilësohet si krim i rëndë, ndërsa paralajmëroi se shumë shpejt do të ketë masa të rrepta për dhunuesit dhe autorët e dhunës në familje.

Kreu i qeverisë, i pranishëm në Forumin e dytë Rajonal me temë ?Fund dhunës ndaj grave në Ballkanin Perëndimor dhe në Turqi: Zbatojmë Normat, Ndryshojmë Mendësitë?, deklaroi se shumë shpejt qeveria shqiptare do të nxjerrë një propozim, që do të jetë shumë i rreptë për dhunuesit.

Sipas Ramës, me rëndësi është nxjerrja e një ligj që të mund ti mbronte gratë në të gjitha drejtimet.

?Nëse shohim përqindjen e grave që fitojnë raste në gjykata është për të ardhur turp. E rëndësishme është që të shkojmë në një nivel më tej, më lart në kuadrin ligjor dhe me instrumentet që luftojnë dhunën në familje. Shumë shpejt do dalim me një propozim, që do jetë shumë i rreptë sa i përket dhunuesve dhe autorëve të dhunës në familje. Burrat duhet të marrin përgjegjësi. Dhuna ndaj grave është një krim i rëndë?, deklaroi Rama./ CNA.al





Lajmet e fundit nga