Soreca sqaron kushtet e Bundestagut/ Apel të fortë politikës, përgjegjësia është e përbashkët

28 Shtator 2019, 09:39, Politikë CNA

Pas konferencës për mediat me Ministren e Mbrojtjes, Olta Xhaçka, ambasadori i BE në Tiranë, Luigi Soreca i është përgjigjur interesit të gazetarëve edhe në lidhje me situatën politike në Shqipëri dhe çeljes së negociatave.

Në një prononcim për mediat, Soreca tha se Bundestagu gjerman nuk ka vendosur asnjë kusht të ri për Shqipërinë në rrugën e saj drejt negociatave. Ai sqaroi se nga rezoluta e bundestagut gjerman që i tha “PO” çeljes së negociatave, janë vetëm dy kushte që duhen plotësuar, të ditura edhe më parë. Ndërkohë kryediplomati i BE-së sqaroi edhe të vërtetën e 7 kushteve që u quajtën të reja për Shqipërinë. Në fakt ato janë 7 detyra që duhen përmbushur gjatë procesit të negociatave, por që nuk ndikojnë në vendimin për çeljen ose jo të tyre.

“Gjermania është një vend i rëndësishëm për rolin që luan jo vetëm brenda BE, por edhe në arenën ndërkombëtare në politikën e jashtme. Kemi gjithë shtetet e tjera anëtare të BE që po vijojnë diskutimet e tyre në lidhje me vendimin që do të merret në tetor.

Është një hap që na çon në rrugën e duhur por le të respektojmë edhe diskutimet që po vijojnë shtetet e tjera. Bundestagu i ka dhënë mandatin qeverisë ti thotë “po” Shqipërisë për çeljen, nëse edhe shtetet e tjera do të ndajnë këtë qëndrim në Këshill, Këshilli do të marrë këtë vendim të rëndësishëm.

Nëse merret është një vendim i Këshillit të BE-së por do të pasohet nga një konferencë ndërqeveritare ku BE dhe Shqipëria do të ulen së bashku për çeljen zyrtare të negociatave.”-tha Soreca.

Soreca ndërsa komentoi nëntë kushtet e Bundestagut gjerman, tha se ?Kemi dhe disa elementë të tjerë që i gjejmë në rezolutën e Bundestagut, që janë quajtur kushte të përgjithshme, që duhen përmbushur pikërisht përpara hapjes së kapitujve të caktuar gjatë negociatave.?

Më tej, Soreca i drejtoi një apel të fortë klasës politike, por jo vetëm, që të bashkëpunojnë për anëtarësimin në BE, sepse sikurse e theksoi ai përgjegjësia është e përbashkët.

?Për këtë çështje duhet përkushtim dhe angazhim i të gjitha palëve, parlamenti, qeveria, opozita, presdienti, shoqëria civile dhe media. Të gjithë duhet të punojnë së bashku që Shqipëria të ecë përpara. Duhet që të gjitha palët të ulen së bashku.

Mirëpres pjesëmarrjne opozitës në tryezën e OSBE për reformën zgjedhore. Ky është një hap i mirë, ky është një hap i parë. Por, është e rëndësishme që palët të kuptojnë rëndësinë e bashkëpunimit. Të gjitha palët duhet ta kuptojnë se përgjegjësia është e përbashkët?-tha ambasadori Soreca./ CNA.al