web counter
LEXO PA REKLAMA!

SHKARKO APP

App Store
Google Play

Arta Marku del zbuluar/ Si gënjeu Prokuroria e Përgjithshme për Agim Kajmakun

4 Shtator 2019, 18:54, Politikë CNA

Agim Kajmaku, kryebashkiaku i Vorës i dalë nga zgjedhjet e 30 Qershorit, i cili është denoncuar nga PD, se ka fshehur dënimin në Greqi, ka injoruar Prokurorinë.

Ai nuk është paraqitur për të dhënë shenjat e gishtave siç është njoftuar.

Por, skandali fillon në momentin që Prokuroria e Përgjithshme e justifikon  Kajmakun duke thënë se posta ka ngatërruar adresën e subjektit.

Posta Shqiptare e ka përgënjeshtruar deklaratën e Prokurorisë së Përgjithshme, duke thënë se materiali ka shkuar në adresën përkatëse.

?Sipas verifikimeve të kryera nga Drejtoria e Përgjithshme e Postës Shqiptare, rezulton se në emër të z. Kajmaku është dërguar nga Prokuroria e Përgjitshme më datë 26/08 një objekt postar (dërgesë postare me barkodin përkatës)?, thuhet në një reagim të Postës.

Reagimi i postës:

Duke marrë shkas nga publikimet  në media në lidhje me njoftimin e dalë nga Prokuroria e Përgjithshme  për rastin e z. Agim Kajmaku, Kryetar i Bashkisë Vorë, sqarojmë se :

Të gjitha dërgesat postare të nisura nga Prokuroria e Përgjithshme janë të pajisura me BarCode dhe lehtësisht të verifikueshme. Sipas verifikimeve të kryera nga Drejtoria e Përgjithshme e Postës Shqiptare, rezulton se në emër të z. Kajmaku është dërguar nga Prokuroria e Përgjitshme më datë 26/08 një objekt postar (dërgesë postare me barkodin përkatës).

Më datë 29/08 është kryer dorëzimi i objektit, brenda 72 orëve, në përputhje me rregulloren mbi këto lloj dërgesash. Në sistemin e dërgesave, objekti postar në fjalë rezulton i dorëzuar pranë Bashkisë Vorë.

Ky fakt vërtetohet lehtësisht në dy mënyra: Sistemin e dërgesave nga barkodi përkatës. Prova e dorëzimit e firmosur nga sekretaria e Bashkisë Vorë./CNA.al





Lajmet e fundit nga