web counter
LEXO PA REKLAMA!

SHKARKO APP

App Store
Google Play

E fundit!

x

Rudina Hajdari lëshon "bombën"/ Zbulon marrëveshjen Basha-Kryemadhi në favor të Ramës

2 Shtator 2019, 17:03, Politikë CNA

Kryetarja e grupit demokrat në Kuvendin e Shqipërisë, Rudina Hajdari ka thënë se kreu i PD-së, Lulzim Basha dhe kryetarja e LSI-së Monika Kryemadhi bënë Ramën perandor.

“Përpara 25 qershorit kishim një qeveri tranzitore dhe marrëveshje Rama-Basha. Kjo dështoi dhe dikush duhet të mbajë përgjegjësi. Kush e bëri Edi Ramën perandor, kjo ishte një marrëveshje tjetër mes Bashës dhe Kryemadhit. Ata kërkuan djegien e mandateve”, është shprehur Hajdari.

Nga foltorja e Kuvendit, Hajdari ka ashpërsuar tonet edhe ndaj Qeverisë.

Sipas saj , kjo qeveri është nga më skandalozet që ka parë vendi.

“Më lejoni të them se nuk ka asnjë dyshim se ne këtu kemi një nga korrupsionet më të larta. Jemi me një kryeministër që ka sjellë regres, një qeveri që nuk di të menaxhojë ekonominë e vendit.

Nuk ka vullnet për të nxjerrë para përgjegjësi zyrtarët e lartë, apo për të hapur dosjet 339 apo 184, ato do të mbyllen dhe këta zyrtarë nuk kanë për të parë asnjë ndëshkim të dëshiruar nga shqiptarët apo ndërkombëtarët”, është shprehur ndër të tjera Hajdari./CNA.al





Lajmet e fundit nga