web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi ngre siparin/ Ruçi hap seancën dhe bën bilançin

2 Shtator 2019, 16:26, Politikë CNA

Sikurse ishte planifikuar Kuvendi i Shqipërisë nisi funksionin në seancën e parë plenare të sesionit të dytë të legjislaturës, në orën 18.00.

Hapjen e tij e bëri kryetari i Kuvendit Gramoz Ruçi, i cili bëri një bilanc të punës së muajve të shkuar, si dhe dha një tablo të ditëve të ardhëshme.

Si një ndër arritjet më të spikatura Ruçi përmendi miratimin e paketës plotësuese të reformës në drejtësi, duke lajmeruar dhe miratimin e struktures përbërëse të SPAK-ut lista e emrave të kandidatëve të të cilit pritet të depozitohet së shpejti.

” Kuvendi përballoi me dinjitet sfida të jashtëzakonshme dhe unike. Demokracia liberale si asnjëherë gjatë tre dekadave u provua si demokraci kushtetuese dhe vetë konstutucionalizmi si tendencë solide e saj. Si asnjëherë në historinë e pluralizmi, Kushtetuta u rezistoi aventurave duke shpëtuar kështu sistemin demokratik të Shqipërisë nga anarkia dhe kaosi. Rreth 70% e mandateve janë zëvendësuar shumë shpejt nga deputetët e rinj të opozitës, gjë që ndihmoi në rikthimin e normalitetit të Kuvendit.

Grupi i ri opozitar meriton mirënjohjen e gjithë shqiptarëve. Reforma në drejtësi ishte argumenti më bindës për rekomandimin e Komisionit Evropian për hapjen e negociatave për Shqipërinë. Kjo reformë është meritë ekskluzive e Kuvendit. Në Kuvend do dorëzohen shumë shpejt kandidaturat për Gjykatën Kushtetuese. Prioritet kemi përmbylljen e Reformës Zgjedhore, që do jetë një produkt i Kuvendit, duke përfshirë edhe opozitën jashtëparlamentare?, tha, ndër të tjera Gramoz Ruçi. Pas tij fjalën e morrën kryesuesit e grupeve parlamentare./ CNA.al





Lajmet e fundit nga