web counter
LEXO PA REKLAMA!

SHKARKO APP

App Store
Google Play

Pjesëmarrje e lartë në votime në dy landet gjermane

1 Shtator 2019, 16:54, Kosova & Bota CNA

Në votimet e kësaj të diele në dy landet gjermane, Saksoni e Brandenburg është shënuar një pjesëmarrje më e lartë zgjedhore, se para 5 vjetësh. Sondazhet parazgjedhore kanë parashikuar forcimin e populistëve të djathtë.

Zgjedhjet në Saksoni dhe Brandenburg zgjuan interes të madh. Në votimet e kësaj të diele u shënua një pjesëmarrje më e lartë zgjedhore, se para 5 vjetësh. 2,1 milionë qytetarë ishin thirrur në Brandenburg të jepnin votën e tyre, kurse në Saksoni votuan afër 3,3 milionë zgjedhës për parlamentin e ri të landit.

Si socialdemokratët, SPD e kryeministrit të Brandenburgut, Dietmar Woidke ashtu edhe qeveria e kryesuar nga CDU në Saksoni e kryeministrit të landit, Michael Kretschmer kanë pësuar humbje të ndjeshme. Kurse rritje kanë shënuar populistët e djathtë të AfD-së, Alternativa për Gjermaninë. Vërtet që në parlament kristiandemokratët, sipas sondazheve të fundit, mund ta mbrojnë pozicionin si partia më e fortë, pak para AfD-së, me kandidatin, Jörg Urban. Por për koalicionin e deritanishëm me socialdemokratët, CDU/SPD kjo nuk ka për të mjaftuar.

Si në Brandenburg dhe Saksoni priten bisedime të vështira për koalicionet e ardhshme qeverisëse. Me gjasë do të duhen koalicione tre partiake për të krijuar shumicën, pa Të Gjelbrit nuk krijohet dot asnjë shumicë parlamentare. Të gjitha partitë kanë përjashtuar aleancat e mundshme me partinë populiste të djathtë, AfD. /DW/

 





Lajmet e fundit nga