Connect with Us

Nga paratë e martesës tek apartamenti në Tiranë/ Si ka ndryshuar në vite pasuria e gjyqtarit të Llallës

Vetingu

Nga paratë e martesës tek apartamenti në Tiranë/ Si ka ndryshuar në vite pasuria e gjyqtarit të Llallës

Publikuar

-

Gjyqtarët e Krimeve të Rënda do të jenë pjesë Gjykatës së Posaçme Antikorrupsion. Për pasojë ata konsiderohen edhe si prioritet për Komisionin e Vettingut.

CNA.al ka kaluar dhe po kalon një për një në filtër të gjithë gjyqtarët e Krimeve të Rënda si në aspektin profesional ashtu edhe në atë pasuror, në mënyrë që qytetarët të dinë se kë po paguajnë me taksat e tyre dhe se kush e ka zhvatur drejtësinë dhe ka përfituar prej saj.

Sot, më shumë se kurrë është koha, për të nxjerrë jashtë gjykatave gjyqtarët e korruptuar, të inkriminiuar që e kanë mbajtur detyrën në sajë të lidhjeve me politikën.

Vettingu është një opsion që pastron gjykatat “nga mollët e kalbura”, por edhe mediat e kanë për detyrë të denoncojnë padrejtësitë dhe abuzimet që kanë ndodhur apo edhe ndodhin në gjykata.

                                                     Bib Ndreca

Gjyqtari Bib Ndreca, është pjesë e Gjykatës së Shkallës së Parë për Krime të Rënda.

Ai ndryshe njihet dhe si gjyqtari i ish Prokurorit të Përgjithshëm Adriatik Llalla, pasi i ka rrëzuar kërkesat e tij.

Kujtojmë se ish-kryeprokurori Adriatik Llalla është në hetim nga Prokuroria e Krimeve të Rënda për tre akuza: pastrim parash, fshehje apo mosdeklarim të pasurive dhe mosdeklarim i parave në kufi.

Dosja e Llallës pritet të kalojë në SPAK, dhe nuk dihet nëse do të jetë gjyqtari Ndreca që do të firmos burgimin e Llallës.

Gjyqtari Ndreca ka shqyrtuar edhe dosje të tjera të bujshme siç është dosja që ka lidhje me operacionin “Volvo 4”, ku përfshihej grupi i Shijakut dhe dy ish-deputetët e Partisë Socialiste Arben Ndoka dhe Arben Çuko.

Ndërkohë, në media është raportuar se gjyqtari Ndreca dhe prokurorët e “Volvo 4”, janë kërcënuar, ndaj janë marrë në mbrojtje nga Policia.

Dy ish-deputetët e Partisë Socialiste u arrestuan më 21 tetor dhe më 25 tetor 2018. Arbena Ndoka ra në pranga, pasi nga përgjimet telefonike të Prokurorisë ai rezultonte i përfshirë në një skemë tjetërsimi pronash në zonën e Kunes dhe Rana e Hedhun në Shëngjin. Ndërsa Arben Çuko u vendos në pranga krejt rastësisht, teksa në hetim dhe përgjim ishin pjesëtarët e një grupi kriminal që merrej me trafik droge dhe vepra të ndryshme penale.

Një tjetër dosje e nxehtë që ka kaluar në duart e gjyqtarit Bib Ndreca, ka qenë rasti i terrorizmit, ku i arrestuar ishte Erzen Uka ish-komando.

Kujtojmë se Uka i cili ishte arrestuar për nxitje terroriste, gjatë seancës për tu njohur me masën e sigurisë, ka kërcënuar gjyqtarin Ndreca dhe prokurorin e çështjes.

“Sa të dal do të jepni llogari e nuk do kaloni kollaj”, ka thënë Uka, gjatë seancës.

Sa i përket pasurisë, të ardhurat e gjyqtarit Bib Ndreca janë modeste.

Ai ka deklaruar patundshmëri, si arë, tokë, truall që i ka në bashkëpronësi me familjarë të tjerë si dhe pagën e tij dhe të bashkëshortes.

Pas emërimit si gjyqtar, pasuria e patundshme që ka blerë është një apartament në Tiranë, me vlerë 40 000 euro në vitin 2012. Ai deklaron se 35 mijë euro ia ka marrë hua vëllait, ndërsa 5 000 euro i kishte kursime.

Ndërsa në vitin 2011, bashkëshortja e tij ka blerë një makinë me vlerë 2 800 euro. Gjyqtari deklaron se për blerjen e makinës 1000 euro ia ka dhuruar vëllai dhe 1800 euro nga kunati.

Tek të ardhurat ai ka deklaruar edhe paratë që i janë hedhur në dasëm, që shkojnë në shumën 500 000 lekë.

Më poshtë po sjellim pasurin e deklaruar nga gjyqtari Bib Ndreca.

Viti 2009 (Deklarata fillestare)

Arë me sip.1/3 3664 m2 në Fushë Mamurras, blerë me dt 2.3.2004, burimi i krijuar me paratë e emigracionit nga vëllezërit, gjatë 1993-1999. Vlera takuese në para 500 000 lekë.

Arë+truall+ndërtesë, sip 1/3 5600m2, nga kjo 3100 m2 truall, nga kjo 871 m2 ndërtesë në Fushë Mamurras. Vlera takuese në para 500 000 lekë.

Arë+truall+Mulli bloje, sip 1/3 e 8200 m2, nga kjo 1440m2 truall dhe 396 m2 ndërtesë, në Fushë Mamurras, Kurbin. Vlera takuese në para 400 000 lekë.

Ortak themelues i personit juridik “Ndreca”.  Të ardhura, 150 000 lekë.

Autoveturë e dhuruar nga vëllai me vlerë 12 000 euro.

Të ardhura nga shitja e kuotave të ortakërisë “Ndreca”, në shumën 150 000 lekë.

Viti 2009 (Deklarata vjetore)

Të ardhura nga paga si gjyqtar në Tiranë, në shumën 800 679 lekë.

Viti 2010

Dhuratë nga martesa, në shumën 500 000 lekë.

Të ardhura nga paga si gjyqtar në Tiranë, në shumën 66 000 lekë.

Viti 2011

Arë me sip.1/3 3664 m2 në Fushë Mamurras, blerë me dt 2.3.2004, burimi i krijuar me paratë e emigracionit nga vëllezërit, gjatë 1993-1999. Vlera takuese në para 500 000 lekë.

Arë+truall+ndërtesë, sip 1/3 5600m2, nga kjo 3100 m2 truall, nga kjo 871 m2 ndërtesë në Fushë Mamurras. Vlera takuese në para 500 000 lekë.

Arë+truall+Mulli bloje, sip 1/3 e 8200 m2, nga kjo 1440m2 truall dhe 396 m2 ndërtesë, në Fushë Mamurras, Kurbin. Vlera takuese në para 400 000 lekë.

Të ardhura nga paga si gjyqtar në Tiranë, në shumën 77 700 lekë në muaj.

Pagesë në gatishmëri dhe dieta, në shumat nga 5000 deri në 10 000 lekë.

LEXO EDHE:  Hetimet për vrasjen e Artan Cukut/ "Krimet e Rënda" përfshihen në skandal

Deri në tetor të 2011 pagesa e qirasë për banim në shumën 18 000 lekë në muaj, prej nëntorit e në vazhdim 160 000 lekë në muaj.

Bashkëshortja ka blerë një makinë me vlerë 2 800 euro. Burimi i të ardhurave, 1000 euro dhuratë nga vëllai dhe 1800 euro nga kunati.

Viti 2012

Ka blerë, ap. me sip 84.6 m2, me vlerë 40 000 euro. Burimi: Shuma 35 000 euro  hua nga vëllai, 5 000 euro kursime. Hua vëllait shumën 5 500 000 lekë, dhe shuma 3 700 000 do të shlyhej në  momentin e dhënies së kredisë. Shuma prej 1 800 000 lekë, do të shlyhet në momentin e  shitjes së automjetit. Ka marrë kredinë në shumën 3 700 000 lekë dhe është shlyer huaja e vëllait.

Të ardhura nga qiratë e pasurisë së patundshme në shumën 60 000 lekë.

Të ardhura nga paga si gjyqtar në Tiranë, në shumën 77 700 lekë.

Pagesë në gatishmëri dhe dieta, në shumat në shumat nga 5000 deri në 10 000 lekë.

Viti 2013

Të ardhura nga qiratë e pasurisë së patundshme në shumën 24 000 lekë.

Të ardhura nga paga si gjyqtar në Tiranë, në shumën 943 946 lekë në muaj.

Pagesë në gatishmëri dhe dieta, në shumat 90 500 lekë.

Kredi në shumën 3 700 000 lekë. Detyrimi i shlyer është 422 029 00 lekë, ndërsa pa shlyer shuma 3 593 223 84 lekë.

Hua, 1 800 000 lekë e pashlyer.

Tatim mbi të ardhurat e qirasë, pa paguar 200 000 lekë.

Viti 2014

Shitur automjeti, 1 200 000 lekë.

Të ardhura nga qiratë e pasurisë së patundshme në shumën 24 000 lekë.

Të ardhura nga paga si gjyqtar në Tiranë, në shumën 1 035 291 lekë.

Pagesa për gatishmëri, në shumën 296 285 lekë.

Dieta, në shumën 175 000 lekë.

Kredi në shumën 3 700 000 lekë. Detyrimi i shlyer është 368 697 00 lekë.

Nga huaja, 1 800 000 është shlyer 1 300 000 lekë.

Bashkëshortja, paga si mjeke, në shumën 306 821 lekë.

Viti 2015

Të ardhura nga paga si gjyqtar në Tiranë, në shumën 779 445 lekë.

Pagesa për gatishmëri dhe dieta 172 500 lekë.

Paga dhe shpërblim si gjyqtar tek Krimet e Rënda në shumën 514 362 lekë.

Paga e bashkëshortes si mjeke e përgjithshme dhe drejtoreshë e Qendrës Shëndetësore në Mamurras, në shumën 680 762 lekë.

Bashkëshortja, shpërblim në shumën, 57 800 lekë.

Kredi në shumën 3 700 000 lekë. Detyrimi i shlyer është 324 000 00 lekë.

Nga huaja, 1 800 000  ka mbetur pa u shlyer 300 000 lekë.

Viti 2016

Llogari rrjedhëse, në shumën 4379.25 lekë.

Llogari rrjedhëse, në shumën 10 689 00 lekë.

Llogari rrjedhëse e bashkëshortes, në shumën 317 05 lekë.

Llogari rrjedhëse e bashkëshortes, në shumën 3 105 42 lekë.

Paga si gjyqtar tek Krimet e Rënda në shumën 1 263 968 lekë.

Paga e bashkëshortes si mjeke e përgjithshme dhe drejtoreshë e Qendrës Shëndetësore në Mamurras, në shumën 648 174 lekë.

Bashkëshortja, shpërblim në shumën, 56 950 lekë.

Kredi në shumën 3 700 000 lekë. Detyrimi i shlyer është 304 492 00 lekë.

Nga huaja, 1 800 000  ka mbetur pa u shlyer 300 000 lekë.

Vit 2017

Llogari rrjedhëse, në shumën 732 37 lekë.

Llogari rrjedhëse, në shumën 45 300 lekë.

Llogari rrjedhëse e bashkëshortes, në shumën 1894. 93 lekë.

Llogari rrjedhëse e bashkëshortes, në shumën 485 42 lekë.

Ka bërë shkëmbi të pasurisë, me sip. 1830.6 m2 me tokë, arë në Fushë Mamurras, me sip 1221.3 m2. Diferenca prej 609.3 m2, ëhstë kompesuar me 300 000 lekë.

Bashkëshortja ka shitur automjetin Smart, 1 200 euro.

Blerë automjeti Audi A6, prodhim i vitit 2004, vlera 1 200 euro.

Paga si gjyqtar tek Krimet e Rënda në shumën 1 445 674 lekë.

Paga e bashkëshortes si mjeke e përgjithshme dhe drejtoreshë e Qendrës Shëndetësore në Mamurras, në shumën 776 302 lekë.

Bashkëshortja, shpërblim në shumën 51 810 lekë.

Shpërblime, sëmundje, marrë nga bashkëshortja në shumën 100 000 lekë.

Huaja, 1 800 000  është shlyer.

Kredi në shumën 3 700 000 lekë. Detyrimi i pashlyer është 3 176 510 19 lekë.

Hua nga të tretë në emër të bashkëshortes për arsye shëndetësore, në shumën 300 000 lekë.

Hua 2 000 000 për arsye shëndetësore. Është shlyer shuma 300 000 lekë.

Viti 2018

Llogari rrjedhëse, në shumën 16989 73 lekë.

Llogari rrjedhëse, në shumën 199 lekë.

Llogari rrjedhëse e bashkëshortes, në shumën 98 11 lekë.

Paga si gjyqtar tek Krimet e Rënda në shumën 1 474 736 lekë.

Paga e bashkëshortes si mjeke e përgjithshme dhe drejtoreshë e Qendrës Shëndetësore në Mamurras, në shumën 724 654 lekë.

Bashkëshortja, shpërblim në shumën 51 678 lekë.

Kontribut, për shëbime shëndetësore të bashkëshortes në shumën 50 000 lekë.

Kredi në shumën 3 700 000 lekë. Detyrimi i pashlyer është 2 919 699 01 lekë.

Hua nga të tretë në emër të bashkëshortes për arsye shëndetësore, në shumën 300 000 lekë, e pa shlyer.

Hua e pashlyer në shumën 1 700 000 lekë./CNA.al

 

 

 

 

 

 

 

 

 

 

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Kryegjyqtari me apartamente, garazhe dhe troje të pajustifikuara/ Mblidhen dëshmi të reja për Kastriot Selitën

Publikuar

-

Nga

Kreu i Gjykatës Administrative të Apelit, Kastriot Selita po përballet me shkallën e dytë të Vettingut.

Selita po përballet në Kolegjin e Posaçëm të Apelimit me ankimin e Komisionerit Publik, Florian Ballhysa si dhe me 12 denoncime të mbërritura pas përfundimit të procesit në shkallën e parë të Vetingut.

Kujtojmë se Selita, u konfirmua në detyrë nga Komisioni i Pavarur i Kualifikimitme 18 Qershor 2019.

Ishte ONM që rekomandoi tek Komisionieri Publik, kërkesën për shkarkimin e tij.

KPA mbledh dëshmi në institucione

Kolegji i Posaçëm i Apelimit i përbërë nga Albana Shtylla, kryesuese, Ina Rama relatore dhe Natasha Mulaj, Sokol Çomo, anëtarë,  në seancën e datës 28.04.2021, ka njoftuar palët se kanë mbledhur prova nga aktet e mbërritura nga Gjykata e Lartë, Gjykata Administrative e Apelit, Gjykata Administrative e Shkallës së Parë Tiranë, Gjykata Administrative e Shkallës së Parë Durrës, Gjykata Administrative e Shkallës së Parë Vlorë, Agjencia Shtetërore e Kadastrës Zyra Tiranë si dhe nga banka Intesa San Paolo.

Gjatë paraqitjes së tij, gjyqtari Selita ka deklaruar se pretendimet e Komisionerit Publik sa i përket kriterit të pasurisë janë të pabazuara, po ashtu, sipas tij, edhe pretendimet lidhur me qënien në konflikt interesi gjatë ushtrimit të detyrës, në aspektin praktik nuk janë të vërteta dhe nuk paraqesin aspekt ligjor.

Gjithashtu, Selita ka paraqitur edhe një akt të ri, një vërtetim të lëshuar nga Gjykata Administrative e Apelit që kërkoi të pranohet si provë nga trupi gjykues.

Pasi u tërhoq për konsultim, bazuar në nenin 49, pika 1, germa c, e ligjit 84/2016, trupi gjykues vendosi të administrojë vërtetimin e Gjykatës Administrative të Apelit, i cili do t’i vihet në dispozicion edhe Komisionerit Publik.

KPA do t’i kërkojë dokumentacion shtesë Drejtorisë së Apelimit Tatimor dhe në pritje të mbërritjes së këtij dokumentacioni.

LEXO EDHE:  Zbardhet skeda e pasurisë së deklaruar nga anëtari i parë i Gjykatës së Lartë/ Ja si e 9-fishoi pasurinë për pak vite

LEXO EDHE:  Zbardhet skeda e pasurisë së deklaruar nga anëtari i parë i Gjykatës së Lartë/ Ja si e 9-fishoi pasurinë për pak vite

Me kërkesë të trupit gjykues, gjatë  séancës së radhës që do të mbahet me datë 19 Maj 2021 , Selita do të mbajë qëndrimin e tij lidhur me shpenzimet e jetesës për vitet 1997-1999, ndërkohë që palët duhet të jenë të përgatitura edhe për të paraqitur konkluzionet përfundimtare.

Gjetjet e Komisionerit Publik

                                       Florian Ballhysa

Komisioneri Publik, Florjan Ballhysa ka kërkuar riçelje të hetimit për burimin e krijimit të disa pronave të zotëruara nga Selita dhe bashkëshortja e tij.

Bëhet fjalë për një apartament me sipërfaqe 124.9 m2 në rezidencën Ambasador 3, një apartament dhe garazh në të njëjtën adresë, një apartament 205 m2 dhe një sipërfaqe trualli në Lalëz të Durrësit si dhe për blerjen e një automjeti.

Ndërsa për shtëpinë e familjes së bashkëshortes, e shitur në vlerën e 220 mijë eurove, Ballhysa  ka kërkuar që të hetohen kostot e ndërtimit, ligjshmëria e burimeve si dhe metodologjia e përdorur nga KPK në analizën financiare.

Sa i përket aftësive profesionale, Ballhysa pretendon për konflikt interesi.

Kjo lidhet me një çështje të gjykuar nga Selita në cilësinë e relatorit, ndaj një kompanie, administratori i së cilës kishte blerë apartamentin e bashkëshortes së tij në vitin 2015 për 110 mijë euro.

Po, në një tjetër çështje, Selita kishte gjykuar një çështje me palë të tretë një kompani ndërtimi, ku një vit më pas kishte blerë një apartament dhe një garazh./CNA.al

LEXO TE PLOTE

Vetingu

Pasuria “i pret kokën”/ Gjyqtari i Elbasanit jashtë sistemit të drejtësisë

Publikuar

-

Nga

Ditën e sotme Komisioni i Pavarur i Kualifikimit pas seancave dëgjimore vendosi shkarkimin e gjyqtarit të Elbasanit, Ramazan Avdiu.

KPK ka gjetur probleme për katër huadhënie me interes nga ana e Avdiut si dhe mungesë burimesh financiare për krijimin e pasurisë.

Avdiu e ka konsideruar të pavërtetë raportin e KPK-së dhe e ka quajtur hetimin administrativ të KPK të përciptë dhe të nxituar. Fillimisht u ndal në përllogaritjen e shpenzimeve të Komisionit për periudhën 1994-2002. Avdiu ka këmbëngulur  se ishte e padrejtë që shpenzimet janë konsideruar në vlerën 66% të të ardhurave.

Gjatë seancës së shpalljes së vendimit të enjten, kryesuesi i trupës gjykuese, Olsi Komici deklaroi se, me shumicë votash, ishte rrëzuar kerkesa e gjyqtarit Avdiu për riçeljen e hetimit për të tri kriteret e rivlerësimit dhe se ishte vendosur shkarkimi i tij nga detyra.

Dy anëtarët e tjerë të trupit gjykues që kreu procesin e vetingut për gjyqtarin e Gjykatës së Elbasanit, Ramazan Avdiu janë Xhensila Pine dhe Valbona Sanxhaktari, kjo e fundit në cilësinë e relatores së çështjes.

LEXO EDHE:  Zbardhet skeda e pasurisë së deklaruar nga anëtari i parë i Gjykatës së Lartë/ Ja si e 9-fishoi pasurinë për pak vite

LEXO EDHE:  Prokurorja e dosjes së milionave/ Zbardhet pasuria e Ornela Rrumbullakut

Ramazan Avdiu e ka nisur karrierën në sistemin e drejtësisë në vitin 1995 dhe ka punuar fillimisht si gjyqtar dhe më pas kryetar në Gjykatën e Gramshit. Prej vitit 2008, Avdiu e ushtron funksionin në Gjykatën e shkallës së parë në Elbasan./CNA.al

Biznesi i drejtësisë/ Hije dyshimi mbi pasurinë e gjyqtarit të Elbasanit

LEXO TE PLOTE

Vetingu

Vettingu/ KPK merr vendimin për prokurorin e Tiranës

Publikuar

-

Nga

Komisioni i Pavarur i Kulaifikimit, ka konfirmuar në detyrë prokurorin e Rrethit Gjyqësor Tiranë, Albert Murçaj.

Gjatë seancës dëgjimore të mërkurën, nuk u evidentuan probleme domethënëse në asnjë prej kritereve të rivlerësimit.

Relatorja Çiftja sqaroi se nuk janë gjetur pobleme në deklarimin e dy depozitave me vlerë 600 mijë lekë dhe 300 mijë lekë, për krijimin të cilave ka deklaruar si burime të ardhurat nga pagat, dietat dhe shpërblimet nga puna si prokuror. Komisioni konstaton se prokurori Murçaj kishte pasur burime edhe për krijimin e gjendjes cash. Por është konstatuar mospërputhje midis vlerës së pasqyruar në deklaratën veting në shumën 750 mijë lekë dhe cash-it në fund të vitit 2016 në vlerën 1 milion e 230 mijë lekë.

Prokurori Murçaj deklaroi se mospërputhja e gjendjes cash kishte ardhur si pasojë e një lapsusi nga ana e tij. Ai shtoi se është evidentuar shtesa, por nuk është shënuar tek gjendja cash. Komisioni nuk ka gjetur probleme edhe për shtëpinë e prindërve në Shkodër që përdoret nga subjekti i rivlerësimit.

LEXO EDHE:  Masakra tek Zogu I/ Krimet e Rënda shpallin mos kompetencë

LEXO EDHE:  Prokurorja e dosjes së milionave/ Zbardhet pasuria e Ornela Rrumbullakut

Nga analiza financiare ka rezultuar se prokurori Murcaj rezultonte me balancë pozitive në të gjithë vitet.
Prokurori Murçaj mori vlerësim pozitiv për pastërtinë e figurës. Për profesionalizmin u konstatua se hetimi i një çështje e vitit 2012 kishte zgjatur tej afatit të përcaktuar; në një hetim tjetër kishte rezultuar se nuk ishin pyetur personat e kërcënuar dhe në një rast mungonte vendimi për zgjatje të hetimit. Komisioni nuk ka gjetur pobleme në katër denoncimet e depozituara nga publiku./CNA.al

LEXO TE PLOTE
Lajme të Rekomanduara: