E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Skandali me memorialin turk/ Meta, zhvatësi që i lëpihet Erdoganit

18 Gusht 2019, 07:13, Aktualitet CNA

Vendosja e memorialit për të rënët e ushtrisë dhe policisë gjatë grushtit të shtetit, para tre vjetësh në Turqi, në kodrat e Liqenit artificial të Tiranës, po mundohet të lihet në mjegull duke hedhur në publik dhe tregun mediatik ngjarje të reja.

Sigurisht që çdo ngjarje që shëmton imazhin e Shqipërisë, duhet dënuar dhe përgjegjësit duhet të vihen para drejtësisë, por edhe skandali për memorialin turk nuk duhet heshtur.

Reagimet kanë qenë të shumta, nga qytetarë dhe shoqëria civile, por drejtuesit e shtetit kanë heshtur.

Memoriali turk i ka bashkuar sikur më parë, Presidentin Ilir Meta, kryeministrin Edi Rama dhe kreun e opozitës Lulim Basha.

Presidenti Ilir Meta, nuk ka ditë që nuk shkruan në rrjete sociale, duke psotuar madje dhe foto të tija nga pushimet, por një fjalë nuk ka thënë për skandalin e memorialit turk.

Edhe qytetarët që e ndjekin në rrjete sociale, e kanë pyetur Presidentin se përse hesht dhe nuk del me një qëndrim.

“Po për memorialin turk në mes të Tiranës, çfarë keni për të thënë, kush është zot i tokës shqiptare, ku janë atdhëtaret?….S’ka çka thotë ky zhvatës matrapaz”. Janë këto disa nga komentet në faqen zyrtare të Presidentit Meta.

Kujtojmë se në muajin Korrik gjatë Samitit të Sarajevës, Presidenti Meta pati një takim me homologun turk Rexhep Taip Erdogan.

Zyrtarsisht u tha se Meta vlerëson marrëdhëniet mes dy vendeve dhe rolin e Turqisë në frenimin e emigracionit të paligjshëm.

?Kënaqësi të takoja sot në Sarajevë, Presidentin e Turqisë, z.Recep Tayyip Erdo?an. Marrëdhëniet tona të shkëlqyera tradicionale kanë një të ardhme mjaft premtuese.Mirënjohës për peshën e jashtëzakonshme që Turqia mban për të mbrojtur Ballkanin dhe Evropën nga emigracioni i paligjshëm?, shkruante Meta në rrjetet sociale.

Nuk dihet, nëse me të ardhme premtuese, Meta ka pasur parasysh, ndonjë marrëveshje të fshehtë ku bënte pjesë edhe vendosja e memorialit.

Por duket qartë, që ashtu si Ramën dhe Bashën edhe Metën, Erdogani i ka në xhep.

Vendosja e memorialit turk tek kodrat e liqenit është cilësuar si një provokim i fortë, ndaj nuk kanë munguar reagimet deri në përdhosjen e tij.

Ditë më parë persona ende të paidentifikuar kanë hedhur mbi të letër higjienike dhe sende të tjera në simbol të refuzimit të këtij memoriali në Shqipëri.

Ndërkaq është ndërmarrë edhe një nismë, për heqjen e këtij memoriali, nëse nuk është shkatërruar deri sa të përfundojnë të gjitha procedurat ligjore./CNA.al