E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

"Pistoletë" në duart e Erdoganit/ Veliaj merr peng kryeqytetin

17 Gusht 2019, 09:17, Aktualitet CNA

Tirana, metropoli shqiptar është marrë peng. Kryebashkiaku Erion Veliaj, pasi është kthyer në pistoletën e Erdoganit, po “ekzekuton” kryeqytetin.

Janë hequr ferrat tek kodrat e liqenit, për të plotësuar kërkesat e Erdoganit, ndërsa rrugët e Tiranës janë pushtuar nga mbeturinat.

“Po, sigurisht Tirana, ka vend për të gjithë”. Ka vend për viktimat e grushtit të shtetit në Turqi, ka vend edhe për mbeturinat që kanë pushtuar zemrën e kryeqytetit.

Propagada dhe mashtrimi i Veliajt janë mbërthyer në foto nga qytetarët, të cilët sjellin realitetin. Ish parku Rinia, një zonë kjo mjaft e njohur dhe e frekuentuar në kryeqytet, është mbuluar nga mbeturinat.

Në fotot e shkrepura nga qytetarët, që CNA.al do t’i sjellë më poshtë, shihen grumbuj të tërë mbeturinash. Koshat janë të mbushur dhe mbeturinat kanë përfunduara të shpërndara në ambjetet rreth e rrotull.

Kjo tregon se ka ditë të tëra që nuk është pastruar. Por, kryebashkiaku Veliaj është i zënë nga propagandat mashtruese, me kaseta që shpërndan në mediat e financuara prej tij. Kur kjo ndodh në zemër të Tiranës, nuk imagjinohet se çfarë mund të ndodh në periferi, aty ku Bashkia është inekzistente.

Nga tarifa e pastrimit dhe largimit të mbeturinave, për këtë vit është parashikuar të mblidhen rreth 2.1 miliardë lekë, duke qenë zëri i tretë më i rëndësishëm pas taksës së infrastrukturës, që i siguron më shumë të ardhura Bashkisë.

Në raport me 2018-n, bizneset dhe familjarët, në 2019, paguajnë 7% më shumë. Paratë mblidhen por shërbimi nuk ofrohet. Qytetarët vidhen, por Veliaj nuk u ndahet skandaleve. Fati i tij është i lidhur ngushtë me mbeturinat. Në impiantin e përpunimit të mbeturinave në Sharrë në 2016 u vra Ardit Gjoklaj, dhe Veliaj bëri çmos të hiqte përgjegjësitë nga vetja.

Edhe për mebturinat në mes të kryeqytetit, do bëjë çmos të largojë përgjegjësinë nga vetja. Kur e bëri këtë me një vrasje, për mbeturinat në rrugët e Tiranës nuk e ka aspak problem. Më poshtë po sjellim fotot e shkrepura nga qytetarët, në ish parkun Rinia, të mbuluar me mbeturina./CNA.al