web counter
LEXO PA REKLAMA!

SHKARKO APP

App Store
Google Play

Dako u shpall “non grata”/ Basha: Pa ndëshkuar politikanët që vodhën zgjedhjet, s’ka drejtësi

31 Korrik 2019, 14:02, Politikë CNA

Kreu i Partisë Demokratike  Lulzim Basha ka vijuar akuzat në drejtim të kryebashkiakut në detyrë të Bashkisë së Durrësit, Vangjush Dako. Një ditë pas qarkullimit të një video në rrjetet sociale, në të cilën Dako shihej në “Opinion”, duke u përpjekur të shfajësohej nga akuzat që rëndonin ndaj tij për shit-blerje votash edhe krim të organizuar, Basha në një postim në rrjetet sociale shkruan se: “Pa ndëshkimin e Dakos dhe politikanëve që vodhën zgjedhjet në bashkëpunim me krimin e organizuar, nuk do të ketë demokraci dhe as drejtësi.”

?Vangjush Dako është i paprekshëm. Vodhi zgjedhjet me krimin e organizuar për pushtetin e Edi Ramës.? thuhet në videon e kreut të PD-së të publikuar bashkëngjitur statusit të tij, kreut të selisë blu.

Ndërkohë që sjell edhe një herë në vëmendje vendimin e DASH që i ndalon Vangjush Dakos e familjes së tij hyrjen në SHBA, në videon e publikuar nga Basha thuhet se: ?SHBA ndëshkon Vangjush Dakon për korrupsion. Vangjush Dako nuk është hetuar për asnjë rast korrupsioni. Ai mbrohet nga Edi Rama. Pa ndëshkimin e Dakove që vodhën zgjedhjet, nuk do të ketë demokraci dhe as drejtësi.?

Kujtojmë se, në videon e publikuar dje Dako shprehej se nuk kishte asnjëlloj lidhje me krimin dhe se duart e tij ishin akullore.

Departamenti Amerikan i Shtetit shpalli dje ?non grata? kryebashkiakun e Durrësit dhe familjen e tij, ndërsa ende nuk ka një reagim nga kryeministri Rama referuar këtij fakti. Rama ka qenë mbështetsi më i madh i Vangjush Dakos, dhe një gjë e tillë u duk qartë në fushatën e zgjedhjeve të 30 Qershorit, ku pavarësisht provave të forta me audio-përgjimet e Bild, kryeministri u rezervua në komentet negative ndaj kryebashkiakut socialist të qytetit bregdetar./CNA.al





Lajmet e fundit nga