web counter
LEXO PA REKLAMA!

SHKARKO APP

App Store
Google Play

E fundit!

x

"Në tetor mund të ndodhin shumë gjëra"/ Ambasadorja franceze, mesazh politikës

27 Korrik 2019, 06:51, Politikë CNA

Ambasadorja franceze në Shqipëri Christine Vasac ka folur për udhëkryqin ku ndodhet Shqipëria, për shkak të krizëz politike.

Nga Korça, Vasac, ka apelur politikanët që të mos presin diplomatët e huaj për zgjidhjen e krizës.

 “Për politikën shqiptare asnjëherë nuk themi asnjëher. Nuk mund ta fsheh të gjithë e dimë që situata është e tillë, jemi në një krizë politike. Nuk kam asnjë dyshim që në të gjitha anët dhe nivelet ka njerëz te arsyeshëm që janë duke kërkuar një zgjidhje.

Ju e dini mirë që nuk është një diplomat i huaj që t’i japë një zgjidhje kësaj situate, por njerëzit e këtij vendi meritojnë një zgjidhje të arsyeshme”, është shprehur Vasac.

Më tej diplomatja franceze është ndalur tek biseda telefonike e ditëve të fundit mes kryeministrit Edi Rama dhe Presidentit frances Emanuel Macron.

Sipas saj, ky është një lajm i mirë.

“Ashtu siç mund ta dini para 3 ditësh ka pasur një telefonatë midis presidentit Macron me zotin Rama. Kjo është diçka e mirë, pozitive.

Unë nuk mund të them diçka me detaje sepse nuk isha gjatë kësaj bisede, por e vlerësoj”, është shprehur ambasadorja franceze.

E pyetur për çështjen e negociatave dhe qëndrimin e Francës, Holandës e Gjermanisë,  ajo ka thënë se Shqipëria nuk është djegur.

“Ju duhet ta dini dhe vetë populli shqiptar duhet të jetë i qartë nëse është gati për Bashkim Europian.

Politika është gjithashtu ,te gjithë njerëzit. Ku po më drejtoni pyetjen mbi qëndrimin e Holandës dhe Gjermanisë nuk di t’u them por edhe me Francën nuk di t’u them diçka, por nuk është diçka e mbyllur.

Nuk ka diçka të mbyllur sepse ka ende kohë deri në muajin tetor dhe mund të ndodhin shumë gjëra deri në tetor.

Ju e dini por edhe unë po e përsëris, Shqipëria ashtu si dhe vendet e tjera në rajon kanë vendin e tyre në Bashkimin Europian.

Ashtu si Fenixi ne rilindim nga hiri dhe në lidhje me Shqipërinë, Shqipëria nuk është duke u djegur”, ka thënë Vasac./CNA.al

 





Lajmet e fundit nga