E fundit!

13:37 Aktualitet

Rekursi në Gjykatën e Lartë/ SPAK triumfon ndaj Veliajt

Sot në Gjykatën e Lartë është zhvilluar seanca për rekursi...

Opozita letër Kolegjit Zgjedhor/ Pezulloni dhënien e mandatave për Këshillat Bashkiakë

22 Korrik 2019, 07:30, Aktualitet CNA

Sekretari i Përgjithshëm i Partisë Demokratike, Gazment Bardhi i ka nisur një letër Kolegjit ZGjedhor, ku kërkon të pezullojë dhënien e mandatave për Këshillat Bashkiakë derisa të vendosë Gjykata Kushtetuese.

Për letrën për pezullimin e shpërndarjes se mandateve nga Kolegji, është informuar edhe ODIHR, ONM, BE, ambasadat kryesore në Tiranë.

Në letrën e opozitës, theksohet fakti se Shoqata e Bashkive ka depozituar në Gjykatën Kushtetuese një kërkesë për kushtetueshmërinë e votimeve të 30 Qershorit.

Gjithashtu, opozita pretendon se pa u shqyrtuar çështja në Gjykatën Kushtetuese, Kolegji Zgjedhor ka pengesë ligjore për të bërë shpërndarjen e mandateve të Këshillave monopartiake Bashkiake.

?Sipas Kodit të Procedurës Civile, Kolegji Zgjedhor ka detyrimin ligjor të vendosë pezullimin e gjykimit, për shkak se ?çështja nuk mund të zgjidhet para se të zgjidhet një çështje tjetër.?

Ligji detyron Kolegjin të mos marrë vendim pa u shprehur më parë Gjykata Kushtetuese mbi kushtetueshmërinë e Dekreteve të Presidentit.

Standardet e shqyrtimit gjyqësor te nosmarrëveshjeve në rrezik nga presioni i vetingut mbi disa anëtarë të Kolegjit Zgjedhir.

Vendimet e deritanishme të Kolegjit Zgjedhor, të pambështetura në ligj dhe të motivuara politikisht, sipas interesit të Qeverisë.

Regjistrimi i paligjshëm i Bindjes dhe mohimi i opozitës për komisionerët, u konstatuan të paligjshme nga ODIHR.

Vetëm Gjykata Kushtetuese mund të shqyrtojë mënyrën e ushtrimit të kompetencave nga Presidenti, përfshirë dekretin e zgjedhjeve.

Sa kohë janë në fuqi dekretet për zgjedhje në 13 Tettor mandatet e këshilltarëve bashkiakë nuk mund të shpërndahen.Janë fituar në votime të padekretuara nga Presidenti.

Ky është një rast që Kolegji të mos lejojë zëvendësimin e pluralizmit me partinë shtet dhe demokracia me diktaturën.?-janë disa nga arsyet e renditura nga PD, në letrën drejtuar Kolegjit Zgjedhor.

Po ashtu, opozita ka edhe një apel për Kolegjin, ku thekson se ?Është koha t?i shërbeni interesit publik përpara interesit tuaj privat, i cili po përdoret nga Rama për të krijuar drejtësinë e tij private, duke i shkaktuar Shqipërisë një dëm afatgjate.?./ CNA.al