web counter
LEXO PA REKLAMA!

SHKARKO APP

App Store
Google Play

E fundit!

x

Basha vijon me 30 qershorin/ “S’ka ndodhur kurrë në 3 dekada”

16 Korrik 2019, 18:25, Aktualitet CNA

Kryetari i Partisë Demokratike, Lulzim Basha në kuadër të takimeve me demokratët në gjithë Shqipërinë, ka qenë sot në qarkun e Beratit.

Ai është ndalur fillimisht në Urën Vajgurore dhe Kuçovë, ku u shpreh para banorëve se ajo që ndodhi në 30 Qershor, nuk ka ndodhur kurrë në 3 dekada.

Sipas Bashës, raporti i ODIHR është vula më e zezë që kanë marrë ndonjëherë zgjedhjet në Shqipëri dhe Ballkan.

?Ajo që ka ndodhur në 30 Qershor, nuk ka ndodhur kurrë në 3 dekada. Braktisja dhe refuzimi i Edi Ramës ka qenë në proporcione masive. Askush nuk është refuzuar si Edi Rama dhe regjimi i tij.

Në ketë refuzim gjejnë shprehje disa prej problemeve kryesore, për të cilat jemi angazhuar në këtë aksion të paprecedentë politik.  

E vetmja votë e pastër e 30 qershorit është vota e atyre që nuk dolën. Mesazhi është ai që është bërë refren deri edhe për fëmijët: Rama ik.

Raporti i ODIHR është vula më e zezë që kanë marrë ndonjëherë zgjedhjet në Shqipëri dhe Ballkan.

30 qershori nuk mund të prodhojë asnjë pasojë juridike përveçse ndaj atyre që kanë shpërdorur burimet shtetërore në një proces farsë, duke nisur nga paratë që kanë hedhur në një proces të pligjshëm.

Po të kishim një prokuror të ndershëm dhe me integritet, sot, të gjithë këta persona, duke nisur me Edi Ramën, me KQZ, me ministritë e përfshira, do të ishin nën hetim për shpërdorim detyre dhe shpërdorim financiar? deklaroi Basha./CNA.al

 





Lajmet e fundit nga