web counter
LEXO PA REKLAMA!

SHKARKO APP

App Store
Google Play

E fundit!

x

Deputeti plas skandalin/ Tenderat e Burgjeve i bën nipi i Drejtorit të Përgjithshëm

16 Korrik 2019, 16:55, Aktualitet CNA

Një ditë më parë deputeti i listës së Partisë Demokratike të qarkut të Beratit, Lefter Maliqi, ka bërë publike tematikën që do ti adresojë kryeministrit Edi Rama, gjatë interpelancës së kërkuar prej tij, ku korupsioni dhe alishverishet në Drejtorinë e Burgjeve janë në qendër të saj.

Duke dashur të vërtetojë se në këtë paralajmërim nuk ka kurrfarë shantazhi dhe as politike, pak më parë, deputeti ka shpërthyer bombën e parë të këtij korrupsioni.

Nëpërmjet një postimi në faqen e tij në rrjetet sociale Maliqi ka denoncuar skandalin e parë, që lidhet me faktin se kush në të vërtetë i zhvillon tenderat milionësh të Drejtorisë së Burgjeve, duke zbuluar dy probleme të mëdha: nepotizmin e hapur dhe përqëndrimin e korrupsionit në dorë të nipit të Drejtorit të Përgjithshëm të Burgjeve, Agim Ismaili.

 Denocimi i deputetit Maliqi

“Qeveri e korruptuar do rrëzuar një orë e më parë. Emërime klanesh mafioze, korruptive e nepotike.Tenderat e burgjeve bëhen nga Ministria e Brendshme dhe drejtohen nga nipi i Drejtorit të Përgjithshëm të Burgjeve që quhet Dritan Palnikaj, me detyrë sekretar i Përgjithshëm,pra nipi i bënë tenderat dhe daja i firmos e i merr në dorëzim.

Deri tani janë bërë 7 tendera,kurse dy tendera të mëdhenj duan ti bëjnë në rrugë sekrete me DSIK me prokurim të hapur, me përzgjedhje firmash. Këto dy janë: tenderi 700 milion lekë për rikonstruksionin e godinës së Drejtorisë së Përgjithshme të Burgjeve dhe tenderi 4 miliardë lekë për blerje armatimi. Kurse tenderat e miliarda lekëve për ushqimet etj., në burgje specifikimet do i bëjnë këtë vit dhe tenderat do i zhvillojnë në fillim të vitit tjetër.

Dajë-nip deri tani kanë bërë këto tendera:

– Blerje pajisje logjistike diku te 90 milionë lekë.
– Blerje pajisje mjeksore diku te 70 milionë lekë.
– Rikonstruksion burgu vaqarr diku te 40 milionë lekë.
– Rikonstruksion burgu lezh diku te 50 milionëë lekë.

– Rikonstruksion ujrave te zeza ,burgu Korçë diku te 20 milionë lekë.
– Ndërtim puse uji diku tek 20 milionë lekë”, shkruan deputeti Maliqi, që nga sa duket ka nisur të hap kutinë e abuzimeve, para se Kuvendi të miratojë kërkesën e tij për thirrjen në interpelancë të Edi Ramës. Kërkesë kjo që Lefter Maliqi e ka depozituar javë më parë pranë institucionit të Parlamentit dhe është në pritje të miratimit./ CNA.al





Lajmet e fundit nga