E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

“Zgjedhje me dajre e daulle”/ Meta dhe Rama vijojnë “lojën e shahut”

28 Qershor 2019, 09:28, Aktualitet CNA

Kryeministri Edi Rama dhe presidenti Meta vijojnë replikat në distancë sa i takon datës së zgjedhjeve vendore.

Nga Himara, Rama sot u rishpreh i vendosur për të mos hequr dorë nga mbajtja e zgjedhjeve në 30 qershor, por ka qënë i menjëhershëm reagimi i Metës.

Në një postim në rrjetet sociale, Meta cilëson 13 Tetorin si datën e vetme kushtetuese për mbajtjen e zgjedhjeve.

E ndërsa apelon qytetarët që të mos bien pre e provokimeve, kujton edhe atë cfarë ndodhte gjatë regjimit komunist në zgjedhje.

?Ndoshta e teproj, por për t?i shijuar tamam votimet socialiste dhe për t?ju rikthyer qoftë dhe për 1 ditë asaj periudhë 45-vjeçare, shoqërojini me dajre e daulle si njëherë e një kohë.

Ata vetë do votojnë, vetë do t?i numërojnë.?-shkruan Meta.

Postimi i plotë:

Mirëdita të dashur qytetarë!

Nga dje, data kushtetuese e zgjedhjeve vendore është 13 tetor 2019.
Situata është e qartë dhe e padiskutueshme nga ana ligjore dhe kushtetuese.
Gjithsesi kryeministri po insiston për të shkuar në votime socialiste në datën 30 qershor 2019.

Ju këshilloj ta merrni atë me qetësi e mençuri, dhe të mos bini pre e provokimeve, sepse ato u shërbejnë vetëm atyre që duan të legjitimojnë kapjen totale të shtetit dhe instalimin e një regjimi njëpartiak.

Të dashur qytetarë,

T?i respektojmë dhe të mos konfrontohemi me të gjithë ata bashkëqytetarë që do të shkojnë në këto votime socialiste.
Konfrontimi dhe dhuna nuk i shërben Shqipërisë dhe së ardhmes së saj europiane, dhe sidomos bashkëjetesës sonë qytetare në çdo familje, në çdo lagje, në çdo fshat, në çdo komunitet dhe në të gjithë shoqërinë tonë.

Mos u nervozoni nga provokimet që do t?ju bëhen për t?ju çuar drejt dhunës.

Ndoshta e teproj, por për t?i shijuar tamam votimet socialiste dhe për t?ju rikthyer qoftë dhe për 1 ditë asaj periudhë 45-vjeçare, shoqërojini me dajre e daulle si njëherë e një kohë.

Ata vetë do votojnë, vetë do t?i numërojnë.

Të gjithë shqiptarët së bashku, në mënyrë demokratike, të fshehtë, të lirë dhe të ndershme do të zgjedhin vetëm në 13 tetor 2019.

Ndaj ju ftoj të ndiqni dhe këtë video për t?u çtensionuar sadopak në prag të kësaj fundjave interesante./ CNA.al