I arrestuar për ngacmim seksual/ Gjyqtari Dhimitër Lara, skandali i Vettingut

29 Maj 2019, 14:02, Aktualitet CNA

Vettingu është kthyer në estradë nga njerëzit që janë përzgjedhur për të pastruar sistemin e drejtësisë.

Tashmë dystandartizimi është bërë normal dhe nuk çudit askënd.

Nuk ka rëndësi nëse ke krijuar pasuri me paratë e korrupsionit apo të drogës, nuk ka rëndësi nëse ke qenë i dënuar, i arrestuar apo nën hetime, rëndësi ka lidhja me politikën dhe sa i shërben asaj.

Sot Komisioni i Vettingut ka shënuar skandalin e radhës, ndërsa ka konfirmuar në detyrë gjyqtarin e Apelit për Krime të Rënda, Dhimitër Lara.

Komisioni i Pavarur i Kualifikimit, i përbërë nga Pamela Qirko, kryesuese, Firdes Shuli, relatore dhe Etleda Çiftja, anëtare, pavarësisht të gjithave konfirmoi në detyrë gjyqtarin Dhimitër Lara.

Në fakt vendimi për Larën ka qenë marrë që një ditë më parë.

CNA.al mëson se zyrtarë të Kuvendit e kanë ditur që dje se ai do të konfirmoheJ në detyrë sot.

Ky vendim ka shkaktuar jo pak reagime, ndonëse jo zyrtare nga institucionet që janë marrë me verifikimin e figurës së gjyqtarit Lara.

“Nuk është një gjyqtar, i vendosur diku në një rreth periferik dhe heshtet, por është një gjyqtar i emëruar në Tiranë, në Gjykatën e Apelit për Krime të Rënda, që nesër do të jetë në SPAK, prandaj është skandal, vendimi i KPK-së për konfirmimin në detyrë. Çfarë rëndësie ka periudha kur ka qenë në hetime, ai ka probleme me pastërtinë e figurës”, – ka thënë një burim i organeve të hetimit për pastërtinë e figurës, për CNA.al.

Sipas të njëjtit, Komisioneri Publik do të duhet ta apelojë vendimin e KPK-së.

Një ditë më parë, CNA.al publikoi ekskluzivisht një raport ku thuhej se Lara është arrestuar në kohën e diktaturës, për sjellje të padenjë në autobuz.

Menjëherë pas këtij publikimi pati reagime prej të cilëve mësuam se Lara ishte arrestuar për ngacmim seksual.

Pra, Lara në tërësi nuk ka asnjë ndryshim nga “Landi i Fierit”.

Dallimi mes tyre është se “Landi i Fierit” demostroi gjithçka para kamerave dhe në kohën e demokracisë, kur “Dhimitri i Krimeve të Rënda”, s’kishte kamera dhe ishte në periudhën e diktaturës.

CNA.al do të kalojë në filtër edhe anëtarët e Komisionit të Vettingut, përkatësisht KPK-së, që duket se ngacmimet seksuale, apo çdo sjellje tjetër të padenjë i quajnë normale, ndoshta nga që i praktikojnë vetë./CNA.al

Ekskluzive-Gjyqtari i Krimeve të Rënda në arrest/ Zbulohet pse u hetua Dhimitër Lara