web counter
LEXO PA REKLAMA!

SHKARKO APP

App Store
Google Play

E fundit!

x

Gazetari i “përvishet” Gjinushit/ “Për turpin e Akademisë së Shkencave...”

24 Maj 2019, 15:08, Aktualitet CNA

Gazetari Mentor Kikia, në një postim në rrjetet sociale ka reaguar për zgjedhjen e Skënder Gjinushit në krye të Akademisë së Shkencave.

Kikia e ka quajtur “turp” për Akademinë e Shkencave mënyrën sesi u zgjodh Gjinushi.

Sipas Kikisë, marrja e drejtimit të Akademisë nga Gjinushi i’a heq autoritetin këtij institucioni.

Postimi i plotë:

Për turpin e Akademisë së Shkencave….

Ky është Skender Gjinushi, një matematikan dhe ish pedagog i shkëlqyer. Ministër i Arsimit në qeverinë e fundit komuniste, që në 1988-1990 ndërmori reforma ambicioze për kohën, në fushën e arsimit.
Pastaj, hapi një biznes privat, të quajtur ?Partia Social-Demokrate?- PSD. Me këtë biznes iu ngjit pas këpucës çdo qeverie të PS-së, duke përfituar për 27 vjet me radhë, herë një deputet, herë një ministri e herë një drejtori, herë një kryetar bashkie e herë një kryetar komune, herë ndonjë leje pallati e herë privilegjin për të mos i dorëzuar selinë e ?biznesit? pronarit të ligjshëm.
Sot është bërë Kryetar i Akademisë së Shkencave, froni më i lartë për një kërkues shkencor, studiues, akademik apo shkencëtar. Në një garë aspak dinjitoze.
Unë mendoj se do të ishte nder për Universitetin e Tiranës, nëse Z.Gjinushi do të kishte rimarrë sot shkumësin. Ashtu siç e rimori një pedagog i mrekullueshëm si Fatos Klosi, pasi përfundoi detyrën e tij në krye të një institucioni shumë të rëndësishëm shteteror, si SHISH.
Nuk dimë ende se si do ta menaxhojë Z.Gjinushi këtë institucon, që ka buxhet vetëm për pagat e anëtarëve, ndërsa pastruesen e paguajnë me radhë akademikët.
Por marrja e drejtimit të Akademisë së Shkencave prej tij ia heq edhe atë fije autoriteti që mund të kishte patur ky institucion, pasi e shndërron atë në një lloj drejtorie të administratës./CNA.al





Lajmet e fundit nga