web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, kryebashkiaku që qeveris me krimin dhe vrasjen

20 Maj 2019, 12:52, Aktualitet CNA

Erion Veliaj, i cili po kërkon një mandat të dytë në krye të Bashkisë së Tiranës, dyshohet se ka qeverisur me persona me precendetë kriminalë.

Në organikën e tij, ashtu siç është denoncuar edhe më herët ka zyrtarë që kanë një të kaluar të errët kriminale.

Veliaj, i cili dyshohet se manipuloi dosjen e vrasjes së Ardit Gjoklajt, duket se bashkëpunimin nuk e kupton nëse nuk qeveria me njerëz me precedentë kriminalë.

Bëhet fjalë për Artan Ligorin, drejtorin e terrenit në Drejtorinë e Përgjithshme ta taksave dhe tarifave vendore.

Ligori është akuzuar më herët për plagosjen e një gruaje dhe në vitin 2007, ashtu siç thuhet në një denoncim të mbërritur pranë CNA.al, ai është dënuar për këtë vepër penale.

Por, për kryebashkiakun Veliaj, duket se nuk ka pasur rëndësi ky dënim, derisa e ka bërë pjesë të qeverisjes vendore në Tiranë.

Në fakt, skandali është denoncuar më herët dhe konkretisht në vitin 2015 nga ish kreu i këshilltarëve të djathtë në Bashkinë e Tiranës, Leonard Olli.

Denoncimi nga Olli është bërë pikërisht në kohën kur Veliaj e ka emëruar Ligorin përgjegjës në terren për tatimet një person të dënuar për plagosje me dashje.

“Veliaj ka caktuar së fundmi përgjegjës në terren për tatimet një person të dënuar për plagosje me dashje. Pikërisht, ka vënë në një detyrë delikate që ka të bëjë me raportin e drejtpërdrejtë me qyterarët dhe me biznesin, Artan Ligorin, i cili në maj të vitit 2007 ka plagosur një grua. Kemi këtu vendimin e gjykatës që e ka dënuar Ligorin në tetor të vitit 2007. Eshtë dënuar për plagosjen me dashje të një gruaje, ndërkohë Erion Veliaj e bën shef të inspektimit tatimor në terren.

Këto janë standardet e Erion Veliajt, i cili po ndjek me vërbëri modelin e shefit të tij Edi Rama në inkriminimin e administratës dhe posteve kyçe.  Kjo është një tradhëti që u bëhet qytetarëve të Tiranës, të cilët nuk kanë votuar që Erion Veliaj ta mbushë bashkinë me autorë plagosjesh. Degradimi në një kohë kaq të shkurtër i Erion Veliajt nuk është aspak surprizë, pasi ai ishte që në fillim një kandidat kallp dhe i gënjeshtërt. E vërteta është se ai është thjesht një zgjatim i qeverisjes qendrore dhe bashkëjetesës me krimin”, denoncoi Olli në vitin 2015.

Por, kanë kaluar katër vite, po vijnë zgjedhjet e tjera lokale, dhe Veliaj duket se ka krijuar komoditet nga krimi, vrasjet dhe njerëzit që dyshohen se kanë një të kaluar të errët kriminale./CNA.al

Dokumenti/ Drejtori i Veliajt me të shkuar kriminale





Lajmet e fundit nga