web counter
LEXO PA REKLAMA!

SHKARKO APP

App Store
Google Play

Negociatat me BE/ Hahn jep lajmin e mirë për shqiptarët

15 Maj 2019, 09:08, Aktualitet CNA

Komisioneri për Zgjerim i Bashkimit Europian, Johannes Hahn është shprehur pro një rekomandimi pozitiv për çeljen e negociatave për Shqipërinë dhe madje në afatin e paracaktuar, pra qershor.

?Ka disa diskutime por unë jam i përqëndruar për të siguruar një vendim para verës, sepse ky ishte gjithmonë qëllimi ynë. Ne do të paraqesim raportin tonë vjetor për dy javë, ku me siguri do të japim një vendim pozitiv për të dyja vendet. Natyrisht ka gjithmonë disa punë që duhet të bëhen.?-tha Hahn, në një intervistë për Radio Evropa e Lirë.

Gjithashtu, ai deklaroi se Reforma në Drejtësi duhet të shpërblehet dhe se po punohet fort për të marrë dritën jeshile për të nisur përgatitjen përfundimtare të negociatave.

?Reforma e gjyqësorit në Shqipëri është diçka që duhet të shpërblehet. Pra, në këtë drejtim, mendoj se kjo vlerësohet në mënyrë pozitive nga shtetet tona anëtare.?-u shpreh Hahn.

Komisioneri Hahn ka komentuar edhe votimin e parlamentit Holandez, për të rikthyer regjimin e vizave për shqiptarët.

I pyetur nëse mund të adresohen këto shqetësime të holandezëve?, Hahn tha se ?Ekzistojnë këto kontrolle të rregullta për numrin e atyre që ne i quajmë azilkërkues të pafinancuar. Unë mendoj se këto shifra, në krahasim me numrin e përgjithshëm të njerëzve që udhëtojnë në këtë vend, janë shumë të vogla. Sidoqoftë, është diçka që kam diskutuar vazhdimisht me partnerët e mi në Shqipëri, por edhe në disa vende të tjera. Kjo duhet të trajtohet tërësisht nga autoritetet shqiptare, që do të thotë se ato duhet të komunikojnë. Ato duhet të informojnë popullit se të gjitha këto nisma janë pa ndonjë mundësi për t?u konfirmuar pozitivisht nga këto vende.?





Lajmet e fundit nga