web counter
LEXO PA REKLAMA!

SHKARKO APP

App Store
Google Play

E fundit!

x

Mori 10 mijë euro nëpërmjet mashtrimit/ “Premtimi” prangos 49-vjeçarin

8 Maj 2019, 08:56, Aktualitet CNA

Një 49-vjeçar ka rënë në prangat e policisë, pasi akuzohet se i ka marrë nje shtetasje një shumë prej 10 mijë eurosh, nëpërmjet mashtrimit.

Mësohet se në kuadër të operacionit ?Premtimi?, është arrestuar shtetasi B.A. 49 vjeç, banues në Librazhd, për veprat penale ?Ushtrim i ndikimit të paligjshëm ndaj personave që ushtrojnë funksione publike? dhe ?Mashtrimi?, i dënuar dhe më parë për të njëjtat vepra penale.

49-vjeçari i ka marrë një shtetasje 6000 euro për të marrë provimin e Licensës së mësuesisë, si dhe shumën 4000 euro për të marrë një të drejtë studimi jashtë shtetit për djalin e saj.

Njoftimi i policisë:

Shkodër

Finalizohet operacioni “Premtimi”

I premtonte për marrjen e provimit të licensës në mësuesi si dhe për të drejtë studimi jashtë shtetit për djalin, duke e mashtruar për përfitim të vlerave monetare, por arrestohet nga Policia.

Procedohen edhe 2 shtetas të tjerë për korrupsion aktiv dhe pasiv

Specialistët e Seksionit për Hetimin e Krimit Ekonomik – Financiar në Drejtorinë Vendore të Policisë Shkodër, në kuadër të operacionit të koduar “Premtimi”, bënë kapjen dhe arrestimin e shtetasit:

– B.A. 49 vjeç, banues në Librazhd, për veprat penale ?Ushtrim i ndikimit të paligjshëm ndaj personave që ushtrojnë funksione publike? dhe ?Mashtrimi?, i dënuar dhe më parë për të njëjtat vepra penale.

Ky shtetas, në muajin Janar 2018, dyshohet se i ka marrë nëpërmjet mashtrimit shtetases B.P., shumën prej 6000 euro për të marrë provimin e Licensës së mësuesisë, si dhe shumën 4000 euro për të marrë një të drejtë studimi jashtë shtetit për djalin e saj. Si edhe ka ushtruar ndikim të paligjshëm tek shtetasi E.S., punonjës në fushën e arsimit.

Gjithashtu, u proçeduan në gjendje të lirë shtetasit:

– B.P. për veprën penale ” Korrupsion aktiv i personave që ushtrojnë funksione publike”

– E.S. për veprën penale “Korrupsion pasiv i personave që ushtrojnë funksione publike”

Materialet iu referuan Prokurorisë së Rrethit Gjyqësor Shkodër për veprime të mëtejshme./ CNA.al





Lajmet e fundit nga