web counter
LEXO PA REKLAMA!

SHKARKO APP

App Store
Google Play

E fundit!

x

Çim Peka ble radio-televizionin me vlerën e çmendur

3 Maj 2019, 15:24, Aktualitet CNA

Gazetari Çim Peka është blerësi apo pronari më i ri i një radio televizioni.

Drejtuesi dhe pronari i portalit “Syri.net” mësohet se, së fundmi, ka blerë liçensën e ish televizionit “Tirana TV” dhe “Best Radio”, këto në pronësi të familjarëve të ish-biznesmenit Donald Shena, i cili u nda nga jeta pak kohë më parë.

Burime nga familjarët i thanë CNA.al se Çim Peka i portalit “Syri…”, ka ofruar rreth 400 mijë euro për blerjen e TV dhe Radios, pra dy licensave që zotëroheshin nga ish biznesmeni Shena, i cili kishte përgatitur një projekt të madh, por u nda nga jeta pas një sëmundjeje të rëndë.

Nuk dihet kush është burimi i financimit të blerjes së këtij televizioni dhe si është proceduar me dokumentacionin.

CNA.al u interesua pranë AMA institucioni përgjegjës për mediat audio-vizive dhe mori përgjigje se nuk ka asnjë informacion në lidhje me transaksionin gjysëm miliardi lekë, apo ndryshime të mundshme të pronësisë së “Tirana TV” dhe “BEST Radio”.

Një vlerë thuajse e çmendur e një portali që tashmë me studio televizive dhe stafin e WEB pritet të dalë edhe në sinjal televiziv. Ende nuk dihen financuesit dhe burimi i të ardhurave, por CNA.al do zbardhë të tjera detaje në ditët në vijim./CNA.al





Lajmet e fundit nga