web counter
LEXO PA REKLAMA!

SHKARKO APP

App Store
Google Play

E fundit!

x

Rama në Elbasan/ Zbulohet skenari i opozitës

26 Prill 2019, 20:46, Aktualitet CNA

Ish deputeti demokrat Luciano Boçi në një postim në rrjetet sociale ka renditur disa arsye pse kryeministri Edi Rama nuk duhet të shkojë në Elbasan.

Ditën e nesërme Rama ka planifikuar një takim me qytetarët e Elbasanit, në kuadër të turit të tij nëpër Shqipëri ,?Bashkia që Duam?.

Boçi i ka bërë thirrje qytetarëve elbasanas të bashkohen ditën e nesërme në protestë tek rrethrrotullimi në hyrje të Elbasanit për të penguar kryeministrin Rama.

Postimi i plotë:

PSE RAMA NUK DUHET TË VIJË NË ELBASAN?

Ka shumë arsye…..

Por secili nga ju që e lexon mund të shtojë një sepse tjetër.

Unë po rendis disa.

-Sepse falë tij Elbasani është qyteti më i kriminalizuar, me siguri zero.

-Sepse falë tij është qyteti më i ndotur e kanceroz i Shqipërisë.

Me mbështetjen e tij, janë ndërtuar gjigandët e helmimit të qytetit e ish komunave:

Inceneratori kancerogjen;

Rafineria e ?gomave? në Balldren; Perpunimi i pjesëve ndotëse për makina;

Pika e përpunimit të mbetejeve të baterive.

Pa harruar ndotësit historikë e klasikë.

-Sepse është sot Bashkia më nivelin më ulëritës të varfërisë.

-Sepse është Bashkia me nivelin më të lartë të papunësisë.

-Sepse është Bashkia me eksodin më të madh të të rinjve.

-Sepse është Bashkia me zero investime në ish komunat.

-Sepse është Bashkia me parkun më të betonizuar, sipas idesë së vetë Ramës, për betonin e së cilës janë hedhur në erë 3 miliard lekë nga xhepat e qytetarëve.

-Sepse përdhosi Normalen e Elbasanit dhe ka shkelur mbi kontributin e Kristoforidhit, Cipos, Xhuvanit, Budës, Popës etj dhe kontributit të qindra mësuesve simbol të Shqipërisë që dolën nga Normalja e famshme, duke e kthyer arsimin e tij në të varur.

-Sepse po zhduk traditën e mësuesisë nga Universiteti i Elbasanit.

-Sepse e mori zvarrë për 6 vite rresht, me përçmim rrugën Tiranë-Elbasan, ende e papërfunduar.

Prandaj ai nuk ka surrat të vijë e të shes mend në mes të qytetit.

Kjo nuk është Bashkia që duan elbasanasit kudo që janë.

Prandaj, si qytetarë të urtë e kurajozë, t?i themi ndal së keqes.

Së keqes nuk i hapet porta.

I mbyllet njeherë e përgjithmonë.

Nesër të gjithë në 9.30 tek rrethrrotullimi i karburantit GEGA, për të penguar të KEQEN që kërkon të ndyjë qytetin/CNA.al





Lajmet e fundit nga