web counter
LEXO PA REKLAMA!

SHKARKO APP

App Store
Google Play

E fundit!

x

Përballje në publik/ Artan Fuga sfidon deputeten socialiste

24 Prill 2019, 09:23, Aktualitet CNA

Akademiku Artan Fuga ka sfiduar hapur deputeten socialiste Eglantina Gjermeni.

Fuga iu ka bërë thirrje modertaorëve të debateve televizive që të organizojnë një përballje mes tij dhe Gjermenit.

“Ftesë për organizim debati publik në studio televizive
Meqënëse deputetja ish ministre Eglantina Gjermeni doli publikisht si zë i grupit të deputetëve që kanë paraqitur si projektligj në Kuvend (pasi e kanë përvetësuar) propozimin antireformë të akademisë të shkencave,

u bëj thirrje moderatorëve të studiove të debatit televiziv të organizojnë mes saj dhe meje, si përfaqësues i platformës alternative për reformimin e akademisë të shkencave, që ka me dhjetra mbështetës në mjediset universitare, një ballafaqim ku do të paraqes skandalin e radhës”, shkruan Fuga në rrjetet sociale.

Akademiku ka shkuar edhe më tej, me sfidën e tij publike.

“Nëse pranon Eglantina Gjermeni, e cila si deputete e ka për detyrë transparencën publike, propozoj të thirren edhe drejtuesit aktualë të ministrisë të arsimit, zëvendës ministri Redi Shtino, deputetja Lindita Nikolla, sekretari shkencor i akademisë të shkencave Vasil Tole, shefi i kabinetit të kryetarit të Kuvendit, akademik, shefi i protokollit të kryeministrit që mesa duket thonë që qenka ngarkuar me këtë punë sipas burimeve të pautorizuara nga ministria e arësimit (unë nuk e besoj por në të kundërt ai duhet t’a përgenjështrojë) dhe kushdo deputet tjetër i këtij grupi.

Pres përgjigje për këtë thirrje ku do të informoj publikun për shumë gjëra tejet interesante”, ka përfunduar thirrjen e tij, Fuga./CNA.al





Lajmet e fundit nga