web counter
LEXO PA REKLAMA!

SHKARKO APP

App Store
Google Play

E fundit!

x

Abuzonte me fëmijët e bashkëjetueses/ Prokuroria mbyll hetimin për italianin

4 Prill 2019, 19:11, Aktualitet CNA

Italiani  Massimiliano Croce, akuzohet për abuzim me të mitur. Croce u arrestua në Tiranë në tetor të 2018-ës, me qëllim ekstradimin e tij në Itali.

Edhe në shtetin fqinj ishte dënuar me 16 vite burg për të njëjtën akuzë.

45 vjeçari bashkëjetonte me një shqiptare në periferi të Tiranës. Sipas dyshimeve, italiani ka abuzuar edhe me fëmijët e saj të moshës 13 dhe 14 vjeç.

Pasi u arrestua nga policia shqiptare për shkak të dënimit në itali, fëmijët e bashkëjetueses e kallëzuan për veprimet që kishte kryer.

Nga dëshmitë e dy adoleshentëve, të marra në praninë e një psikologu, u zbulua se ai kishte kohë që abuzonte me ta.

Croce është bërë subjekt edhe për mediat italiane, ku rezulton se ai është diplomuar për Pedagogji për të Mitur, madje ka kryer edhe një doktoratë për rastet e pedofilisë online.

Sipas mediave italiane, 45-vjeçari nuk ka shfaqur pendesë dhe shpesh e ka konsideruar veten si të persekutuar nga ana e drejtësisë.

?Ish-kujdestari, në prill të vitit 2014, u dënua me nëntë vjet burg për abuzimin e bërë për muaj me radhë ndaj një fëmije 8 vjeç, në një shtëpi ku ai kishte shërbyer. Por para kësaj ai ishte dënuar me tre vjet burg për akuzën e dhunës ndaj fëmijëve të tjerë që i ishin besuar atij në kujdesin shtëpiak. Por pavarësisht provave të paraqitura nga organi i akuzës, Croce gjithmonë e ka konsideruar veten të persekutuar nga drejtësia. Ndërsa në dënimin përfundimtar, gjyqtarët parashikuan edhe ndalimin e përhershëm të tij, që të punojë në zyrat publike dhe punët që përfshijnë kontaktet me të miturit, si një dënim plotësues?, shkruan Il Messagero.it.

 





Lajmet e fundit nga