Nga mandatet, protesta dhe zgjedhjet/ L’Osservatore Romano: Kriza e ngjashme me '97

24 Mars 2019, 10:16, Aktualitet CNA

L?Osservatore Romano, gazeta zyrtare e Vatikanit , ka shkruar një artikull për situatën politike në Shqipëri.

Në shkrim, është bërë një panoramë e situatës me akuzat dhe kundërakuzat mes palëve, por pa lënë mënjanë as ndërkombëtarët.

“Prej muajsh situata politike në Shqipëri vijon të jetë e tensionuar dhe zjarri ndizet herë pas here. Përplasja mes qeverisë dhe opozitës është radikale dhe nuk kursen as sheshet.

Kriza ekonomike bën që ?kafshimet? të ndjehen në një vend me një histori të trazuar, përveç saj kriza sociale dhe morale mban në litar Shqipërinë, vendin ku grupet rivale politike nuk e njohin legjitimitetin e njëri-tjetrit dhe ku dyshimi i një lidhje midis interesave të paligjshme dhe pushtetit është shumë i fortë tek popullsia, e cila ndërkohë ndjen gjithnjë e më shuëm varfërinë”, thuhet në artikull.

Më tej , shkrimi është përqëndruar tek protestat, dhe në momentinqë prëmend drejtuesit e partive kryesore, LSI, cilësohet si partia e Ilir Metës.
“Javët e fundit, opozita e përfaqësuar nga lideri liberal Lulzim Basha dhe Partia Demokratike e Shqipërisë, ka kundërshtuar fuqishëm qeverinë.

Por gjithashtu po proteston edhe Lëvizja Socialiste për Integrim (LSI), partia e Presidentit të Republikës Ilir Meta. Në javët e fundit PD dhe LSI kanë arritur në pikën që deputetët e tyre të lënë mandatet në shenjë proteste. Megjithatë, braktisja e parlamentit u kritikua nga Bashkimi Evropian dhe Shtetet e Bashkuara.

Qeveria përfaqësohet nga kryeministri socialist Edi Rama. Partitë e opozitës dhe protestuesit kërkojnë dorëheqjen e tij dhe thirrjen e zgjedhjeve të parakohshme. Akuzat kundër qeverisë së Ramës lidhen me afërsinë e tij me organizatat kriminale dhe biznesmenët”, thuhet më tej në shkrim/

Sipas të njëjtës gazetë, protestat e ditëve të fundit fokusohen tek akuzat ndaj qeverisë për manipulimin e zgjedhjeve, shtoi faktin se partia në pushtet është sipas akuzave e ndikuar fuqishëm nga trafikantët që e bënë Shqipërinë një bazë solide për trafikun e drogës në Evropë

“Për momentin gjetja e një rrugëdaljeje duket shumë e komplikuar. Demonstruesit argumentojnë se ata nuk do të ndalen derisa kryeministri të japë dorëheqjen dhe të krijohet një qeveri kalimtare për të menaxhuar zgjedhjet. Nga ana e tij, kryeministri Rama foli për gatishmërinë për dialog por përjashtoi kategorikisht mundësinë e ?ndërprerjes së një mandati legjitim?. Ndërkohë, në këtë klimë të opozitës frontale, zgjedhjet lokale janë planifikuar për në qershor, të cilat mund të kenë një efekt tjetër detonues. Për më tepër, në qershor pritet edhe përgjigjja nëse vendi do pranohet apo jo në Bashkimin Evropian”, shkruan gazetarë zyrtare e Vatikanit.

Më tej ajo lëshon alarmin se shqetësimi është shumë i madh përballë një krize të ngjashme me vitin 1997, kur vendi ra në kaos dhe anarki.

“Tani kohët kanë ndryshuar, por kontradiktat mes palëve politike janë shumë të mëdha. Duhet të kihet parasysh se kancelaritë ndërkombëtare nuk i konsiderojnë akuzat për keqbërje dhe bashkëpunim të ashpër kundër qeverisë të pabazuara, por ata janë edhe më të shqetësuar për rrezikun e paqëndrueshmërisë në një vend delikat në zemër të Ballkanit, i cili tashmë është bërë anëtar i NATO-s dhe po i afrohet me shpejtësi Bashkimit Evropian. Nëse, pra, udhëheqësit politikë, ndoshta të mbështetur nga institucionet ndërkombëtare, nuk arrijnë të gjejnë një mënyrë për të hapur një dialog serioz dhe konstruktiv, situata mund të shohë një përkeqësim të shpejtë”, thuhet më tej në shkrim./CNA.al