E fundit!

12:10 Aktualitet

Çmimet e reja të karburanteve/ Ja sa do të shitet sot nafta dhe benzina

Bordi i Transparencës merr vendimin për çmimet e reja të k...

Mbyllet protesta e opozitës/ Paralajmëron Paloka: Nuk do të ketë stabilitet

21 Mars 2019, 14:08, Aktualitet CNA

Opozita ka protestuar sot para parlamentit për më shumë se pesë orë.

Protesta u shoqërua edhe me disa incidente, ndërsa protestuesit disa herë tentuan të çajnë kordonin e policisë dhe është dashur edhe ndërhyrja e FNSH-së, për t’i spostuar.

Ndërkohë, pas më shumë se tre orëve para Kuvendit të Shqipërisë, tubimi i opozitës ka ndryshuar kurs, duke shkuar tek Drejtoria e Policisë së Tiranës, ku kërkuan lirimin e 14 të rinjve të cilët u shoqëruan gjatë protestës së sotme.

Pas daljes nga policia, sikurse në protestat e tjera, turma u drejtua drejt selisë së PD-së, ku fjalën mbyllëse e mbajti ish-nënkryetari i kësaj force politike, Edi Paloka.

Paloka paralajmëroi se nuk do të tërhiqen dhe nuk do të ketë stabilitet në vend, deri në rikthimin e demokracisë.

?Beteja nuk ka mbaruar ende. Jemi nisur për një rrugë që nuk ka fund tjetër përveç fitores. Ju përshëndes edhe në emër të Bashës.

Nuk ka asnjë forcë që mund të na ndalë. Për ata që mendojnë se stabiliteti është më i rëndësishëm se demokracia, ju paralajmëroj se nuk ka asnjë ditë stabilitet derisa të kthehet demokracia. Jam i bindur se me forcën dhe besimin tuaj do i shkojmë në fund kësaj rruge shumë shpejt?-tha Paloka.

Fjala e plotë e Palokës:

Vëllezër e motra, dua t?ju falenderoj për këtë betejë të sotme, që është vazhdim i betejës për të arritur nesër në fitoren e sigurtë. Dua t?ju përshëndes edhe në emër të zotit Basha, i cili vazhdon takimet në Bruksel, takime shumë të suksesshme, të cilat absolutisht janë pjesë e fitores që na pret.

Siç thashë, beteja jonë nuk ka mbaruar. Jemi nisur për një rrugë që nuk ka fund tjetër përveçse fitores. Sa më shpejt ta kuptojnë këtë, aq më mirë do të jetë edhe për ta.

Nuk ka asnjë forcë që ndal qytetarët të protestojnë për të drejtat e tyre. Nuk ka asnjë forcë të na ndalë në rrugën tonë për një demokraci të vërtetë në Shqipëri.

Dhe nuk do të ketë, për ata që mendojnë se stabiliteti ka më shumë rëndësi se demokracia. Nuk do të ketë asnjë ditë stabilitet për këtë qeveri të krimit, derisa demokracia të rikthehet në Shqipëri.

Unë ju falenderoj edhe njëherë dhe jam i bindur që me forcën tuaj, me besimin tuaj, ne kësaj rruge do t?i shkojmë në fund dhe shumë shpejt.

Suksese dhe fitore!/CNA.al