E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Nën hetim për fshehje pasurie/ Deputeti socialist përgjigjet për akuzat

15 Mars 2019, 10:10, Aktualitet CNA

Deputeti i Partisë Socialiste, Ervin Bushati ka sqaruar për herë të parë pozicionin e tij lidhur me vendimin e Gjykatës së Apelit, e cila urdhëron Prokurorinë ta marrë nën hetim për fshehje të pasurisë.

Deputeti Bushati, gjatë një interviste në ?Ora News, pranoi pronësinë e pronave që ka listuar PD në akuzat e saj.

Për më tepër, ai tha se ka edhe të tjera prona, përvec atyre të listuara nga PD-ja, dhe si të gjitha i ka deklaruara.

?Janë dhe kam edhe të tjera. I kam deklaruar të gjitha.?-tha Ervin Bushati.

Më tej, ai theksoi se sulmi nga PD i vjen, për shkak se akuzoi kunatin e Lulzim Bashës, tek i cili sipas deputetit socialist kryedemokrati mban lekët.

?Me Bashën kam qenë në këshillin bashkiak që në 2011 përballë dhe kam në politike 12 vjet, kam bërë me qindra deklarata, fjalime, debate. Në asnjë nga akuzat që i kam ngritur zotit Basha qoftë si Ministri që abuzoi me Rrugën e Kombit, 1.2 miliardë euro, qoftë për vrasjet e 21 janarit, shitjen e detit, gjumin në bashki dhe gjithë batërditë që ka bërë nuk ka pasur asnjë reagim.

I vetmi reagim që ka pasur ka qenë në tetorin e kaluar ku unë kam pasur dy deklarata si Sekretar i grupit të PS-së për kunatin e zotit Basha. Luli i lekëve nuk është zoti Basha që mendojnë demokratët, sa herë preket interesi i kunatit ku mban lekët zoti Basha, atëherë acarohet. Më kanë hapur dy çështje për këtë, një kunati në Gjykatën Civile të Tiranë që kërkon dëmshpërblim se i është prishur emri dhe një PD me një deklaratë që ka nxjerrë dhe e ka çuar dhe kërkon që ajo deklaratë të ndiqet.?-tha Ervin Bushati.

Më tej, ai tha se Bashën nuk e votojnë as komshinjtë dhe është mundur dy herë nga PS në shtëpinë e tij.

?Jam krenar për emrin dhe punën e familjes sime, pasuria më e madhe që kam është edukimi që më kanë dhënë prindërit, gjithçka që kam fituar, fitorja që kam në njësinë bashkiake numër 8 ku banon Basha, as aty nuk është acaruar. Është mundur dy herë në shtëpi të vet nga PS që unë drejtoj në njësinë numër 8 që jam deputet. Nuk e votojnë as komshinjtë zotin Basha, ka humbur dy herë aty. Nuk u acarua kaq shumë as nga humbja e PD. Është acaruar dhe më ka çuar në dy gjykata vetëm se i përmenda kunatin.?-tha Ervin Bushati.