E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Ish-deputeti jep alarmin/ Shqipëria në grusht shteti

15 Mars 2019, 08:50, Aktualitet CNA

Ish-deputeti demokrat Tritan Shehu, referuar mungesës së Gjykatës Kushtetuese, thotë se Shqipëria aktualisht është nën një grusht shteti kundër demokracisë.

?Aktualisht Shqipëria, pa Gjykatën Kushtetuese është nën një grusht shteti kundër demokracisë!
Procedura e tanishme e zëvendësimit të mandateve të deputetëve, të dorëzuara këto në grup si opozitë, nuk ka asnjë bazë ligjore e kushtetuese.?-shkruan Shehu në një postim në rrjetet sociale.

Gjithashtu, Shehu shkruan se procedura e zëvendësimit të mandateve të deputetëve të dorëzuara në grup si opozitë s?ka bazë ligjore e kushtetuese.

Ish-deputeti thekson se ?Veprimet e Kuvendit të Shqipërisë në lidhje me këtë nuk janë të pajtueshme as edhe me procedurat ligjore për rastet individuale.
Vendimet e KQZ për zëvendësimin e këtyre mandateve bien ndesh edhe me vendimin e vitit 1993 të Gjykatës Kushtetuese, për zëvendësimin jashtë vullnetit të partisë të tre mandateve të PD në atë periudhë.?.

Sipas Shehut, tentativa për të quajtur funksional Kuvendin me një përbërje shumë më të vogël deputetësh se 140 nuk ka asnjë bazë ligjore për numrin minimal të deputetëve të domosdoshëm.

?Tentativa për të quajtur funksional Kuvendin me një përbërje shumë më të vogël deputetësh se 140 nuk ka asnjë bazë ligjore për numrin minimal të deputetëve të domosdoshëm.
Në kushtet kur e gjithë kjo procedurë thelbësore për demokracinë kryhet në mungesën prej më se një viti të Gjykatës Kushtetuese, e vetmja që mund të legalizojë apo jo këto veprime, krijohen tiparet e një grushti shteti.
Në fakt në të gjithë këtë periudhë vendimet e Kuvendit, të Qeverise etj, kanë qenë të pa ligjshme, përderisa askush nuk mund t?i apelonte ato në atë Gjykatë.?-shkruan Tritan Shehu.

Ndaj ai thotë se kur e gjithë kjo procedurë thelbësore për demokracinë kryhet në mungesën prej më se një viti të Gjykatës Kushtetuese, e vetmja që mund të legalizojë apo jo këto veprime, krijohen tiparet e një grushti shteti.

?Në këto kushte ka vetëm një zgjidhje politike, ligjore e kushtetuese: fillimi i procedurave për zgjedhje të reja mbi një platformë të pranueshme.
Në të kundërt ideatorët e aplikuesit e këtyre akteve duhet të akuzohen për tentativë për grusht shteti të qeverisjes ndaj demokracisë e ky duhet përballuar si i tillë.?-përfundon postimin e tij Tritan Shehu./CNA.al