E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kryetari part time i LSI-së/ Petrit Vasili, njeriu i bandave

13 Mars 2019, 14:24, Aktualitet CNA

Petrit Vasili, ish-ministër i Shëndetësisë në qeverinë ?Berisha 2? dhe ish-ministër i Drejtësisë në qeverinë ?Rama 1?, tashmë duket se ka marrë shpatën në dorë e sulmon e bërtet kundër Rilindjes, për të cilën dha kontributin e tij që të vinte në pushtet dhe i shërbeu me devotshmëri.

Petrit Vasili, i cili u emërua kryetar part time, një muaj në krye të LSI-së, por që më pas vendin ia zuri Monika Kryemadhi, sot duke folur sot në News 24, ndër të tjera tha se është fituar një betejë në parlament kundër krimit.

Krimi, blerja e votave, banda, politika etj, përmenden në çdo dalje mediatike nga Monika Kryemadhi, Petrit Vasili dhe eksponentë të tjerë të LSI-së.

Tani do bëjmë dy kujtesa të shkurtra. Në vitin 2013, kur erdhi Rilindja në pushtet dhe që u mbush parlamenti me banditë e kriminelë, gjysma e të cilëve ikën pas ligjit të dekriminalizimit, kryetar parlamenti ishte Ilir Meta, i cili në 1 prill të 2013-ës firmosi marrëveshjen me Edi Ramën.

Pra, aleati i Rilindjes dhe bandave në parlament, ishte LSI-ja. Ishte Ilir Meta, ishte Petrit Vasili, bashkë me Monika Kryemadhin.

Këta ishin aleatët e Edi Ramës dhe që e sollën Rilindjen në pushtet në 2013-ën, pasi votat i kishin të përbashkëta, në koalicion.

Këta i futën edhe Arben Ndokën, dhe këta e votuan edhe Elvis Roshin në Kavajë. Por, sot flasin sikur s’ka ndodhur asgjë.

Le të shkojmë në 2017-ën. A nuk u kapën eksponentë të LSI-së, duke blerë e duke shitur vota?

Janë të paktën 10 deri në 15 raste të eksponentëve të LSI-së, nga jugu në veri që janë kapur duke blerë vota.

A mund të flasë Petrit Vasili, për blerjen e votës dhe ndryshimin e rezultatit kur LSI-ja ka qënë banda kryesore e blerjes së votës?

Këta banda e Ilir Metës dhe LSI-së që flasin kundër krimit u bashkuan me Edi Ramën dhe futën kriminelët në parlament. Këta që flasin për blerjen e votës nga Edi Rama, ishin në koalicion me Edi Ramën dhe janë kapur disa herë me presh në dorë duke blerë dhe duke shitur vota. Janë akuzuar edhe publikisht.

Rasti i LSI-së është i pashembullt dhe shqiptarët e kanë memorjen e freskët. Ndoshta do t’i shkonte shumë ajo shprehja LSI-së, që nuk është gjë tjetër veçse ?prostituta? e përjashtuar nga shtëpia publike për imoralitet. Ky është roli i saj sot dhe asgjë më shumë sesa kaq./ CNA.al