web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore, 5 deputetë socialistë lënë mandatin/ Zbardhen emrat e zëvendësuesve

12 Mars 2019, 16:25, Aktualitet CNA

Disa nga deputetët e PS janë kandidatë potencialë për kryetarë bashkie, në këto kushte ata janë të detyruar të lënë mandatin e deputetit, për t’iu nënshtruar garës në zgjedhjet lokale, që pritet të mbahen në Qershor.

Vendin e tyre në Kuvend, pritet ta zënë emrat vijues në listën shumëemërore në qarqet respektive.

Kështu, Rakip Suli, deputet i Qarkut të Tiranës, që pritet të kandidojë në Kamëz, do të zëvendësohet nga Eljo Hysko, kryetar i Forumit Rinor Eurosocialist.

Ndërsa, deputeti i Qarkut të Gjirokastrës, Flamur Golemi që do garojë për bashkinë e këtij qyteti, do të zëvendësohet nga Laert Duraj, aktualisht drejtor i Postës Shqiptare.

Deputeti i Qarkut të Elbasanit, Nuri Belba, i cili pritet të kandidojë për bashkinë Përrenjas, do të zëvendësohet nga Desantila Tahiraj.

Pjerin Ndreu i shpallur publikisht kandidat për Bashkinë e Lezhës do të zëvendësohet nga Adriana Jaku, e katërta e listës pas Lindita Nikollës. Jaku, aktualisht është zëvendësministre e Shëndetësisë dhe e Mbrojtjes Sociale që nga tetori i 2017- ës.

Ilir Xhakolli, i cili do të kandidojë për Bashkinë e Pogradecit, do të zëvendësohet nga Ardit Konomi, ish-prefekt i Qarkut të Korçës aktualisht drejtor i spitalit të këtij qyteti./CNA.al





Lajmet e fundit nga