Kurbani/ Çfarë "bëmash" premton Edi Rama

9 Mars 2019, 08:39, Aktualitet CNA

Nga Zef Zefi

Një kukull pëmbys mbi tavolinën e punës ne ballinën e librit “barok” dhe mediokër të Edi Ramës që u promovua në Serbi para tre vjetësh, flet aspak metaforikisht, për premtimin e Ramës në shkëmbim të kushedi çfare bëmash, të cilat kanë filluar të lexohen në adn e varfërisë shqiptare si vazhdim i asaj enveriste.

Edvin Rama është njeriu i dytë mbas Enver Hoxhës që gjen akses në Serbi. Gjë të cilën e anashkalojnë mediat dhe politologët e vendit, (sipas meje dhe shëbimet inteligjente) të cilët janë gati të dalin nëpër festa grash bashkë me thaçistët me parullat e vjetra “Enver-Tito”

Enver Hoxha i parë mban dhe sot titullin “hero i popujve të Jugosllavisë” promovohet, si bashkëpunëtor shovinizmit serb me koperturë komuniste, internacionaliste e kozmopolite, dhe kontributor në dorëzimin e Kosovës pastaj dhe te pavarësisë së Shqipërisë londineze.
Nëse nuk do të ndodhte prishja me Stalinin e Titos nga frika zmadhimit gjeo-politik te ishJugosllavisë, Shqipëria do të ishte gëlltitur sipas porosisë së Stalinit (me gjeste dhe fjalë) sot do të ishim edhe de jure një republikë e ish-Jugosllavisë ose më pak.

Më 2013 bashkë me fraksionin e majtë që sot ka kokën në Presidencë e bishtin në opozitë, firmoi në Shkodër (treduarsh) bashkë ish Presidentin serb reabilitimin projektit të ngecur enverist të vitit 1948 “bashkimin doganor” me Serbinë, në kontekstin e “kapitalit rajonal” dhe eufemizma ekstravagante sorosiste.

Çuditërisht për naivët, por jo për real-politikën, tri duart e firmës në Shkodër, i kemi në krye të aktual-politikës: Njëri President i Republikës, tjetri Kryeministër i Republikës, ndersa Ishpresidenti serb ose “Fushe-ja” i Ballkanit është gjeneratori i negociatave të dorëzimit të Kosovës në Jugosllavinë e re soroiste nderkohë që Shqipëria është dorëzuar.

“Ti që s’më votove sipas paktit, je thjesht një maskara,” i tha njëri prej të humburve, fituesit.
“Ndërsa ti që e hëngre je thjesht një budalla,” u përgjigj Fushé-ja.

Utopistët e rinj, unë do të thoja atopistët, që u shesin shqiptarve didaskali triumfesh të faktorit shqiptar në rajon, mbasi Perëndimi paska të njejtin objektiv me ate të shqiptarve, në mos anestezi propagandistike për të mbajtur të paralizuar trurin e shqiptarve, janë thjesht pallavra në diell.
Mjafton të kundrohet varfëria ekstreme që defaktorizon politikisht çdo komb dhe krizat që prodhohen nga e majta dhe i shkarkohen me propagandë së djathtës.

Kukulla e rrëzuar e ballinës së “kurbanit” në versionin serb, është Shqipëria e sotme e “rilindur” sipas firmëtarëve në Shkodër.