E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

“Don Kishoti i Surrelit”/ Gafa e Spiropalit “pushton” rrjetin

8 Mars 2019, 12:07, Aktualitet CNA

Ministrja e Shtetit për Mardhëniet me Parlamentin, Elisa Spiropali, në përpjekje për të mbrojtur kryeministrin Rama mbrëmë nga një studio televizive, bëri edhe gafën e radhës.

Spiropali i krahasoi ata me personazhin e famshëm Don Kishoti i Mançës të autorit Migel Servantes, por nuk u ndal me kaq. Don Kishotin e quajti si një personazh të rëndësishëm të letërsisë shqipe.

Por, pas kësaj gafe ka pasur reagime të shumta në rrjet, ndërsa ish-deputeti demokrat Luçaino Boçi ka zgjedhur ti përgjigjet me ironi zëdhënëses së qeverisë.

Në një postim në rrjetet sociale, shkruan një satirë, ku ironizon Spiropalin.

Postimi i Bocit:

LETËR E DYLQINËS SË TIRONËS DON KISHOTIT TË SURRELIT*
Lider global dhe sovran!
E plagosura prej kamës së intervistës tënde tek Bruno Vespa dhe zemërçjerrura prej shigjetave të ?mençurisë? tënde, o fort i adhuruar Don Kishot i Surrelit, të uron shpëtimin, të cilin ti nuk po e gjen dot as tek RAI.
Në qoftë se e zgërdhimja jote më përbuz dhe harbutëria jote s?më favorizon dhe mospërfillja jote më torturon akoma, atëherë, ndonëse jam e stërvitur në vuajtjet nëpër dogana, prapë nuk do të jem e zonja ta duroj këtë qeder që po të kurdisin, i cili është jo vetëm i fortë, po edhe i paprerë për Rilindjen tonë.
Sançoja i vogël, shqytari yt i krahut të djathtë, që rri mbi gomarin e qeverise sonë kalorsiake, do të të japë një raport të plotë mbi devotshmërinë time, në të cilën jam katandisur nga shkaku yt, o Skënderbeu im spanjoll, o timonieri im pa busull.
Në daç të më ndihësh, jam e jotja e, në mos, po bëj si të të dojë qejfi, se do t?i jap fund karrierës sime po s?të shpëtova ty dhe kështu do të kënaq zemërgurërinë tënde dhe dëshirën time të madhe televizive.
E jotja gjer në psikiatri.
DYLQINJA E TIRONËS!

*përshtatur sipas Fan Nolit
Shënim: Letra u botua pas zbulimit më të fundit rilindas, sipas të cilit Don Kishoti i përket Letërsisë Shqipe)

Çudit Elisa Spiropali/ Don Kishoti personazh i letërsisë shqiptare