web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i fortë i Bashës/ Çfarë do të ndodhë me 16 mars

5 Mars 2019, 12:25, Aktualitet CNA

Në përfundim të protestës së opozitës para parlamentit, kreu i PD-së, Lulzim Basha ka paralamëruar se protesta e 16 marsit, do të jetë vendimtare.

Kryedemokrati theksoi se 16 marsi do të largojë përfundimisht atë që ai e cilësoi si ?Kufoma politike e sektit kriminal të Rilindjes?.

?Sado të përpiqet ta zgjasë agoninë e tij aq më shumë do ti shtohet makthi dhe fatura që do ta paguajë përpara drejtësisë.

Ju bëj thirrje të gjithë qytetarëve shqiptarë të marrin pjesë në një tjetër hap vendimtar të hapjes së portave së shpresës, të hapjes së dyerve të Europës dhe zgjedhjeve të lira e të ndershme, pa Edi rRamën e horrat e tij. Ju bëj thirrje të vini me 16 mars në protestën vendimtare për të përcjellë kufomën politike të sektit kriminal të Rilindjes, për të çliruar Shqipërinë, për të çliruar të ardhmen tonë, për të cliruar zgjedhjet e madje edhe vetë PS-në?-deklaroi Basha.

Gjithashtu ai tha se “Zgjidhja e vetme politike është largimi një orë e më parë i shkaktarit kryesor, autorit e përituesit, kryezullumqarit Edi Rama. Ikja e tij është fundi i pjesës së parë të kësaj beteje e cila do të vazhdojë me bashkimin më të madh të shpresës e besimit që shqiptarët kanë njohur në këto 3 dekada. Edhe miqtë e tij më të ngushtë, dhe ata që janë përpjekur ta mbrojnë me gjysmë zëri të vërtetën që ju keni buçitur sot. Edi Rama ka mbaruar, regjimi i tij ka marrë fund?./ CNA.al





Lajmet e fundit nga