E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nga Armir Shkurti/ Kërrma iz biç

5 Mars 2019, 22:05, Aktualitet CNA

Domethënë , po shurrove në det, kripa ta kthen në gjellë

1 – A ishte Lulzim Basha ai që në shkurt 2017 nisi protestat dhe hapi çadrën me logon “OPOZITA E BASHKUAR”?

2 -A ishin krerët e partive aleate të Bashës, pjesë e OPOZITËS SË BASHKUAR që e gdhinin tek çadra dhe mbanin nga dy -tre fjalime vetë e po nga aq edhe anëtarët e partive të tyre përditë?

3 – A i përjashtoi edhe si parti edhe si koalicion marrëveshja Basha – Rama nga kandidimi i çdo forme për deputet këta kryetarë bashkë me partitë e tyre?

4 – A i futi Lulzim Basha në listën e partisë së tij, pra PD – së , në pjesën jofituese?

5 – A është përgjegjësi personale e Lulzim Bashës lista për deputet e vitit 2017?

6 – A dolën të humbura partitë aleate të Bashës që nuk hynë në kuvend dhe të penalizuara edhe për zgjedhjet e ardhshme meqë nuk janë parti parlamentare?

7 – A kanë të drejtë të përfitojnë nga lista, për shkak të djegies së mandateve nga PD ata kryetarë e forca të cilët e hëngrën pabesisht në 2017?

8 – Të pabesë ndaj kujt janë këta kryetarë e subjekte?

a- ndaj anëtarësisë dhe elektoratit të tyre, që nuk e

prëfaqësuan dot në 2017?

b – Ndaj aleatit që bëri marrëveshje me kundërshtarin

dhe i la jashtë pushtetit dhe opozitës?

9 – Faji dhe përgjegjësi e kujt është që këta “të pabesë” janë në listat e kandidatëve për deputetë në vend të demokratëve që kanë dhënë edhe me jetë prova besnikërie?

10 – Nëse Basha nuk e kishte 100% nën kontroll situatën me djegien e mandateve, faji i kujt është?

Në Librin Zhozef Fushe, në rastin e ekzekutimit të njërit nga familja Burbon, Fushe shprehet: “Ky është më shumë se një krim. Ky është gabim”! Se në politikë gjëja më e rëndë , më e rëndë edhe se krimi, është gabimi. Meqë e nisa me pyetje, ja edhe dy , për ta mbyllur:

1* – Për marrëveshjen me Ramën Basha ka thënë se “ishte gabim”. A janë gabim këta “tradhëtarët” sot?

2* – Kur një politikan i ka seriale gabimet, çfarë alternative ka:

a- të vazhdojë përpara me këmbëngulje?

b- t’i hapë krahun dikujt tjetër?