web counter
LEXO PA REKLAMA!

SHKARKO APP

App Store
Google Play

Thaçi medalje për emisionin “Fiks Fare”

28 Shkurt 2019, 15:25, Aktualitet CNA

Presidenti i Kosovës, Hashim Thaçi, priti ditën e sotme në zyrën e tij autorin dhe dy moderatorët e emisionit investigativ ?Fiks Fare? ku i nderoi emisionin me titullin ?Medalje Presidenciale të Meritave?.

Gjatë fjalës së tij, Thaçi deklaroi se një vendim i tillë është marrë për kontributin e dhënë nga ?Fiks Fare? në denoncimin e dukurive negative dhe promovimin e lirisë së shprehjes.

?Në mbështetje të Kushtetutës së Republikës së Kosovës, Medalja Presidenciale e Meritave i jepet programit të gazetarisë hulumtuese ?Fiks Fare?, për kontributin e dhënë në denoncimin e dukurive negative dhe për promovimin e lirisë së shprehjes?,-u shpreh Thaçi.

Ndërkohë, autori i programit investigative Filip Çakuli e cilësoi një vlerësim të tillë si të papritur, dhe shprehu falenderimet e tij për një vlerësim të tillë.

?Kjo ishte një e papritur, meqenëse termat e propozimit dhe të medaljes është gazetari hulumtuese, ne e përdorim në Shqipëri investigative. Meqenëse jemi, nuk them surprizë, por po them e papritur e këndshme, që na vë më shumë detyrim të kthejmë sytë nga Kosova për problemet dhe hallet e saj. Por, ndonjëherë nuk të lënë këmborët që bien në Tiranë, të dëgjosh zilet që bien në Prishtinë. Kështu që jemi të detyruar, megjithatë, do ta korrigjojmë së shpejti. Kjo na detyron më shumë. Shumë falemnderit?, tha Çakuli./CNA.al





Lajmet e fundit nga