E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

Në protestë me nipin e Nexhmijes dhe Enveristët e Ilir Metës

27 Shkurt 2019, 08:30, Aktualitet CNA

Opozita ka djegur mandatet e deputetëve dhe ka filluar protestat. Pas asaj të 16 shkurtit, PD zhvilloi dje protestën e tretë përpara parlamentit, ku sërish pati përplasje me policinë.

Dje në mbremje Lulzim Basha dhe Monika Kryemadhi e quajtën firore protestën dhe ajo sipas tyre ja arriti qëllimit të saj duke trembur kryeministrin Rama dhe deputetët socialistë, të cilët përfunduan nga dera e pasme e parlamentit.

Por përtej retorikës politike, Monika Kryemadhi në emisionin “Tempora” të Sonila Meços, në një televizion lokal me titra dha një tjetër lajm. Komunistë dhe Enveristë janë bërë bashkë me Monën dhe Lulin kundër Ramës. Të gjithë janë bashkë për shkak të varfërisë dhe qeverisë së krimit dhe korrupsionit, tha Mona.

Në fakt lëvizja opozitare ka shumë pritshmëri dhe ka një reagim të fortë kundër kryeministrit, por asnjë nga demokratët, legalistët, nacionalistët, ish-të përndjekurit, ish-pronarët apo dhe studentët nuk shkon të protestojë as për Saimir Xhunglinin, nipin e Nexhmije Hoxhës që ri në krah të Tomor Alizotit, dhe as për Enveristët e Ilir Metës që Mona dhe LSI, i përdorën në vitin 2011 që Lulzim Basha të zgjidhej kryebashkiak në Tiranë.

Qyetarët dhe demokratët protestojnë për një Shqipëri më të mirë nesër dhe jo që banda e LSI-së dhe Monës të risjellë enveristët dhe hajdutët e saj të pangopur në pushtet, që janë zhgërryer duke vjedhur sa me Berishën dhe me Ramën.

Banda e enveristëve të Metës që sot drejtohen nga Mona janë ata që sollën Edi Ramën dhe Rilindjen në pushtet, sot kanë marrë në gji ish-komunistë, bijtë e nomenklaturës, hajdutë e batakçinj dhe po e shesin tek shqiptarët, si fitore se ata po shkojnë në protestë me demokratët.

Pra, kauza duket e qartë në protestë me nipin e Nexhmijes, me Enveristët e Ilir Metës nën drejtimin e Monës për t’i sjellë në pushtet me vota të persekutuarish, ish-pronarësh dhe demokratësh./CNA.al

E thotë Kryemadhi: Nipi i Nexhmije Hoxhës në krah të Lulzim Bashës