web counter
LEXO PA REKLAMA!

SHKARKO APP

App Store
Google Play

Zgjedhjet lokale/ Partitë e vogla kundër bojkotit të Bashës

24 Shkurt 2019, 11:06, Aktualitet CNA

Partitë e vogla nuk do ta ndjekin nga pas Lulzim Bashën. Ata  janë të vendosur për të qenë pjesë e zgjedhjeve vendore të qershorit 2019.

Ish- aleati Lulzim Bashës, kreu i Aleancës Demokratike, Eduart Abazi, në një prononcim për Report Tv, është shprehur se pjesëmarrja në zgjedhje është mundësia për të marrë përgjegjësi nga ana e qytetarëve.

Sipas tij, në zgjedhje do të marrin pjesë për ta çuar zërin e qytetarëve në institucionet vendimarrëse.

“Mundësia e delegimit të pushtetit të fuqisë se sovranit, që shpesh artikulojnë ata që e kanë shpërdoruar realisht këto 25 vjet, është përmes votimit. Detyrimi i aleancës është të bëhet pjesë e procesit zgjedhor”, ka thënë Abazi.

Edhe Gjet Ndoj kryetar i partisë Aleanca Arbnore Shqiptare, shprehet për pjesëmarrje në zgjedhje.

“Çdo parti ekziston për të ushtruar vullnetin e anëtarësisë së saj për të qenë një alternativë në garën politike, nuk ka sens që një parti të ekzistojë jashtë zgjedhjeve. Ne do marrim pjesë në zgjedhje dhe do të përpiqet të marrë një rezultat më të lartë, të kemi këshilltarë në 61 bashkitë e vendit”, është shprehur Ndoji.

Për partitë e vogla problem mbetet kodi elektoral, që sipas tyre është diskriminues.

“Për shkak të qëndrimit të dy palëve të politik, nëse ne do të detyrohemi, do të jemi pjesë e koalicionit të majtë. Po tregoi një vullnet për tu përafruar me zgjidhjen e problemeve, ndryshe nga ç’ndodhi me PD-në që edhe në çadër e pati mision sigurimin e zgjedhjeve të lira dhe të ndershme, dhe sa mbaroi procesi u rrekën disa muaj duke bërë edhe pjesë të komisioneve parlamentare, harxhojnë paratë e shqiptarëve përmes komisioneve, i shmangen dhe i lënë gjërat rrugëve”, shprehet kreu i Aleancës Demokratike, Eduart Abazi./CNA.al





Lajmet e fundit nga