web counter
LEXO PA REKLAMA!

SHKARKO APP

App Store
Google Play

"Vulë turpi për prindin Edi Rama"/ LSI nuk i ndal sulmet ndaj Kryeministrit

24 Shkurt 2019, 10:50, Aktualitet CNA

Ish-kreu i Grupit Parlamentar të LSI-së Petrit Vasili, në një postim në rrjetet  sociale ka reaguar  për tragjedinë e emigrimit të minorenëve.

Sipas tij kjo është një vulë turpi për prindin Edi Rama i cili sikletoset e qan sa herë  flitet për fëmijët në familjen e tij.

Sipas Vasilit, Rama thotë se ?Kështu ndodh në të gjithë botën?, por kjo nuk është absolutisht e vërtetë.

?UNICEF Italia dhe Ministria italiane e Punës dhe Përkrahjes Sociale raportojnë se Shqiperia është e para për numrin e minorenëve të emigruar të pa shoqëruar me prindër. 1550 femijë emigruan në 2018 dhe pas nesh vijnë vende afrikane qe kanë probleme shumë të rënda dhe popullsi shumë më të mëdha por numrin femijëve emigrantë e kanë shumë më të vogël se Shqipëria.?,-ka shkruar Vasili.

Vasili shprehet se shqiptarët nuk duhet të rrinë më asnjë sekondë më shumë me një kryeministër të tillë që i urren dhe që nuk dhemb aspak për fëmijët e shqipërisë.

?Çdo njeri i medias, intelektual apo njeri i zakonshëm nuk mund të pajtohet me një tragjedi të tillë.

Kushdo ka diçka për të thënë ose si prind ose sepse përpara tij ose asaj konsumohet tragjedia e nipërve dhe mbesave të tyre?, ka përfunduar ai./CNA.al





Lajmet e fundit nga