web counter
LEXO PA REKLAMA!

SHKARKO APP

App Store
Google Play

E fundit!

x

Kush do t'i marrë mandatet e opozitës?/ Reagon PD

19 Shkurt 2019, 10:57, Aktualitet CNA

Deputeti i Partisë Demokratike, Luçiano Boçi ka deklaruar se mandatet që djeg opozita nuk i merr asnjë person.

Në një postim në rrjetet sociale, Boçi sqaron se mandati nuk është një person, por dëshira e zgjedhësve dhe nëse ata nuk duan ta mbajnë ai digjet plotësisht dhe nuk mund t’i kalohet dikujt tjetër.

?Ka shumë debat se si shkon puna me mandatet që janë në lista.

Një debat shterpë që stimulohet kinse nga ato që duan të mbajnë me gajret njerëzit e të gënjejnë demokracinë.

Mandati nuk është person. Ai digjet sepse ka djegur demokracinë, parlamentarizmin, të ardhmen

Mandati është vullnet politik i zgjedhësit dhe shpreh mbështetje për ide e vizione politike.?-shkruan Boçi.

Më tej, deputeti demokrat shkruan se vullneti i zgjedhësve është deformuar për shkak të vjedhjes së votave dhe prandaj nuk ka më vlerë.

?Kur vullneti është i deformuar, për shkak të grabitjes, vjedhjes, blerjes ai nuk ka vlerë. Nuk ka as emër e as parti më. Ai digjet sepse ka djegur demokracinë, parlamentarizmin, të ardhmen.

Pas djegies vjen hiri. E pas tij dëshira e përkushtimi për të ndërtuar jetën dhe të mirën.

Kufomat politike që varen sot në mandate të deformuara, që ecin somnambul e që kafshojnë ç?të gjejnë përpara, janë zombit e fundit të epokës parapolitike që po kalojmë.

Gremina është destinacioni i paracaktuar i tyre.?-përfundon postimin e tij Luçiano Boçi.





Lajmet e fundit nga