E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

"Vrasja" e Veliajt dhe heshtja e Ramës, Metës dhe Bashës

13 Shkurt 2019, 10:45, Aktualitet CNA

Në verën e vitit 2016, një djalë 17-vjeçar që punonte për bukën e gojës u gjet i vdekur në sheshin e grumbullimit të mbeturinave të riciklimit, në landfillin e Sharrës.
Ndërkohë që pas tre vitesh ende nuk ka një fajtor dhe familjarët presin drejtësi, vetëm pak ditë më parë, Gjykata arriti në përfundimin se 17-vjeçari është vrarë jashtë landifillit të Sharrës.

Duke pretenduar se vendimi është marrë në bazë të ekspertizave, kur në fakt ishte vetë Gjyakta që më parë kishte fshikulluar Prokurorinë se ka dështuar në kryerjen e hetimeve.
Erion Veliaj kërkon të rehabilitohet në prag të zgjedhjeve lokale, dhe për të mbuluar këtë akt kriminal, Gjykata dhe prokuroria të vëna në shërbim të tij, dalin në të tilla përfundime skandaloze.

Sipas këtij vendimi, bazuar në të ashtuquajtura eskpertiza, Gjoklaj ishte vrarë jashtë landfillit të Sharrës dhe është hedhur aty për të mbuluar gjurmët. Sipas të njëjtit vendim, Kryebashkiaku Erion Veliaj, i cili një muaj para se të ndodhte kjo ngjarje trumbetonte fort në media dhe garantonte siguri në impiantin e riciklimit të mbeturinave në Sharrë, nuk ka asnjë faj.

Por, nga ana tjetër Instituti i Mjekësisë Ligjore në 2016-ën, dorëzoi në Prokurori autopsinë përfundimtare në lidhje me vdekjen e 17-vjeçarit Ardit Gjoklaj në landfillin e Sharrës. Ekspertiza mjekoligjore, e administruar si provë në dosje, konfirmonte vrasjen e të riut me fadromë.
Kjo të con në dyshime të forta, se mund të jetë vetë Erion Veliaj, i cili shkatërroi provat në vendin e ngjarjes.

Risjellim në vëmendje faktin se kryebashkiaku Erion Veliaj dhe prokurori Petrit Fusha, në kohën që organi i akuzës po hetonte vdekjen e Ardit Gjoklajt, u fotografuan duke drekuar së bashku në një nga restorantet e Tiranës dhe për më tepër, Petrit Fusha mori edhe tendera miliona euro nga Bashkia e Tiranës.

CNA.al, publikoi foto ekskluzive, të drekës mes kryebashkiakut Veliaj dhe prokurorit Petrit Fusha dhe njëherësh dha alarmin për mbylljen e dosjes së Ardit Gjoklajt.
Ky është një skandal, të cilin Krimet e Rënda duhet ta kishin marrë në dorë dhe të zbardhnin rastin e vdekjes së një 17-vjeçari që nuk i kishte borxh askujt dhe punonte për bukën e gojës.

Por, ndërkohë as nga politika nuk ka reagime. Kryeministri Rama, që nuk lë gjë pa komentuar, qoftë në rrjetet sociale apo edhe në daljet mediatike, nuk ka thënë asnjë gjysmë fjalë në lidhje me këtë akt kriminal.

Nga ana tjetër qëndron LSI-ja. Qoftë presidenti Meta, apo edhe Monika Kryemadhi jo vetëm që nuk flasin për këtë, por për më tepër aludojnë në media se ?Veliaj ka punuar për Tiranën dhe se Veliaj do jetë trashëgimtari i Ramës?.
Por, ajo që e thellon edhe më shumë skandalin është fakti se për këtë nuk reagon as kreu i Partisë Demokratike, Lulzim Basha.
Ky i fundit prej disa ditësh ka filluar një fushatë takimesh në rrethe, ku fton qytetarët t?i bashkohen protestës së 16 shkurtit në Tiranë, por nuk kujtohet të thotë asnjë fjalë për vrasjen e Ardit Gjoklajt./ CNA.al

Vrasja e Ardit Gjoklajt/ Prokuroria dhe Gjykata në shërbim të Veliajt

Skandal në organin e akuzës/ Kush është prokurori i LSI-së që mbron Veliajn?

Shënim/ Pse hesht Basha për vrasjen e Ardit Gjoklajt

Vrasja e Ardit Gjoklajn/ Pyetjet dhe faktet që akuzojnë Veliajn

Mega-Skandali/ Gerd Hoxha ?vret? Ardit Gjoklajn jashtë landfillit të Sharrës?