Connect with Us

Skandal me reformën në drejtësi/ Ish-kunati i i ministres minon KLP

Aktualitet

Skandal me reformën në drejtësi/ Ish-kunati i i ministres minon KLP

Publikuar

-

Mbledhja e Keshillit te Larte te Prokurorise

Kreu i Këshillit të Lartë të Prokurorisë, Gent Ibrahimi, së fundmi ka lëshuar “bombën”, ndërsa ka pranuar se ka dështuar reforma në drejtësi.

Para gazetarëve, ai ka thënë qartë se KLP, është jashtë funksionit dhe si e tillë nuk mund të ndërmarrë asnjë hap për të vendosur për prokurorët e korruptuar, të paaftë dhe të padisiplinuar.

“Mos merrni mundimin të vini te KLP-ja dhe të kërkoni disiplinë për prokurorët. Është thjesht e pamundur për shkak të mungesës së ligjit dhe kjo është përgjegjësi e Parlamentit. Politika duhet të mblidhet urgjentisht të miratojë ligjin. Është shumë e vonuar. Nëse politika nuk miraton ligjin, nuk ka asnjë mënyrë për të disiplinuar prokurorët e korruptuar, prokurorët e paaftë”, u ka thënë Genti Ibrahimi gazetarëve

Me këtë deklaratë, Ibrahimi, apo siç njihet ndryshe kunati  i ish- ministres Mimi Kodheli,  ka pranuar se ka dështuar refroma në drejtësi. Gjithashtu ai  pranuar se është  pjesë e skandalit, pasi kujtojmë se Ibrahimi ka qenë pjesë kyç e reformës në drejtësi.

Ai ka mbajtur pozicionin e kryetarit të Komisionit Këshillimor të Reformës Ligjore pranë Ministrisë së Drejtësisë.

LEXO EDHE:  Miratohet Reforma në Drejtësi

Ndërkaq, ai  ka pranuar  se reforma  ka dështuar dhe  se Këshilli i Lartë i Prokurorisë nuk merr dot masa për prokurorët.

Po atëherë për çfarë shërben KLP?

Për të paktën katër vite rrjesht u luftua për reformën në drejtësi, u bënë ligjet, pati debate, por përfundimi është zero.

Për më tepër Gent Ibrahimi nuk duhej të ishte pjesë e KLP –së, pasi ishte hartuesi i Ligjit dhe sipas garancive të dhëna nga ndërkombëtarët tek opozita nuk duhej të ndodhte një gjë e tillë.

Fakt është, që ai sot  mban postin e kreut të  KLP –së dhe sikur të mos mjaftonte kjo, thotë që Ligji ka dështuar.

KLP u ngrit me pretendimin se do të bëjë emërimet, dhe do të kontrollojë prokurorët që do të filtrohen nga procesi i Vettingut. Por, Ibrahimi thotë se nuk merr dot masa.

Atëherë përse na  duhet KLP,  kur nuk funksionon dhe qenka kot?/CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Dikush duhet të ikë nga PD”/ Bejtja tregon se kur përfundon beteja mes Berishës dhe Bashës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Gazetari Andi Bejtja, ka komentuar përjashtimin e ish kryeministrit Sali Berisha nga grupi parlamentar i PD.

I ftuar në emisionin “Edicioni Special” në Syri Tv, gazetari thekson se beteja do të përfundojë vetëm kur njëri prej tyre, ose Basha ose Berisha të ikë nga PD.



Dikush duhet të ikë nga PD, ose do iki Berisha ose Basha, rrugë të ndërmjetme nuk shikoj. Kjo punë mbaron me ikjen e njërit ose tjetrit në shtëpi.

Nëse nuk përfundon kështu, do të ishte fatkeqësi. Pyetja e madhe është se deri kur shqiptarët do dëgjojnë vetëm çfarë thonë ndërkombëtarët”, është shprehur Bejtja./ CNA.al

LEXO TE PLOTE

Bota

Ankthi që i nisi gazetarit iranian pas daljes nga burgu

Publikuar

-

Nga

#cnanews #cnalajme #citynews #citynewslajme #cnaal #lajmecna #lajme #politikecna #cnapolitike #cnaeditorial #cnashowbizz #showbizcna #cnaopinion #opinioncna

Gazetari iranian, Masoud Kazemi, ka qenë tejet i gëzuar kur është liruar nga burgu famëkeq Evin, në prill të vitit 2020.

“Ankthi ka përfunduar zyrtarisht”, ka thënë në Twitter ish-redaktori i revistës mujore, Sedaye Parsi, duke publikuar një fotografi të burgut ku është mbajtur për 300 ditë.

Mirëpo ai nuk e ka pasur idenë që ankthi vetëm sa i ka filluar.

Pas lirimit të Kazemit, një degë e inteligjencës së Gardës Revolucionare Islamike, e ka marrë atë në pyetje vazhdimisht dhe ka tentuar ta detyrojë që të “bashkëpunojë”.

Pas disa muajve të presionit dhe ngacmimeve për të punuar me Gardën Revolucionare, Kazemi ka ikur nga Irani drejt Turqisë, prej nga ai dhe gruaja e tij janë duke shpresuar se do të kërkojnë azil në një shtet të tretë.

Kazemi ka thënë se ende shqetësohet se mund të shënjestrohet nga zyrtarë të inteligjencës iraniane, të cilët janë të njohur për vëzhgim të aktivistëve iranianë në Turqi.

Pse Irani përpiqet ta heshtë gazetaren Masih Alinejad?

Kazemi ka thënë për Radion Evropa e Lirë se katër ditë pas blerjes së një numri të telefonit, ai ka pranuar një thirrje nga ish-hetuesi i tij, i cili i ka thënë se vetëm ka dëshiruar ta përshëndesë, por Kazemi beson se ai ka qenë mesazh se atë nuk e kanë harruar dhe e dinë lokacionin e tij.

“Nuk ndihem i sigurt”, ka thënë Kazemi, i cili ka qenë në Turqi në katër muajt e fundit, ndërkohë që ka raportime se zyrtarët policorë turq, së fundmi kanë ndaluar dhe dëbuar shumë iranianë që janë duke kërkuar azil në Turqi.

Telashet e Kazemit kanë nisur në nëntor të vitit 2018, kur ai është ndaluar dhe më vonë është dënuar me katër vjet e gjysmë burgim rreth akuzave për veprim në kundërshtim me sigurinë kombëtare dhe ofendim të liderit suprem të Iranit, akuza që kanë dalë nga artikujt e tij dhe postimet në rrjetet sociale.

Akuza të tilla zakonisht prezantohen kundër intelektualëve dhe aktivistëve që autoritetet dëshirojnë t’i heshtin.

Kazemi do të duhej të kryente dy vjet burgim dhe do të duhej të pezullonte profesionin e gazetarit për dy vjet pas lirimit.

Mirëpo për shkak të pandemisë së koronavirusit, Kazemi dhe mijëra të burgosur tjerë janë liruar përkohësisht për të parandaluar përhapjen e sëmundjes vdekjeprurëse në burgjet e tejngarkuara të Iranit.

Gratë rrëfejnë për abuzimet dhe ngacmimet seksuale në burgjet e Iranit

Kazemi dhe të tjerë, që kanë kryer një të tretën e burgimit janë liruar më pas plotësisht.

Megjithatë, lirimi nga burgu nuk e ka liruar atë nga kthetrat e degës së inteligjencës së Gardës Revolucionare, që së fundmi ka arrestuar një mori gazetarësh, aktivistësh dhe ambientalistë apo qytetarë me dy shtetësi.

“Gjatë kohës sime në burg, kam njohur shumë të burgosur politikë dhe kam qenë në kontakt me ta çdo ditë pasi jam liruar. Më pas mediave u kam dërguar informacione që janë publikuar pa përmendur emrin tim si burim. Kjo është arsyeja se pse jam marrë në pyetje herën e parë pas lirimit tim”, ka thënë ai.

Agjentët e inteligjencës ia kanë lëshuar Kazemit një incizim të një prej thirrjeve që ka realizuar ai me një të burgosur, dhe i kanë thënë se e dinë që ai është duke nxjerrë informacione jashtë burgut të Evinit.

LEXO EDHE:  “SPAK ka bërë shumë përparim”/ Yuri Kim: Reforma në Drejtësi nuk do jetë e përsosur

LEXO EDHE:  Nga Bujar Nishani / Reforma në drejtësi rrezikon degradimin



Ai ka thënë se agjentët i kanë kërkuar të spiunojë miqtë dhe kontaktet, përfshirë gazetarët, aktivistë politikë dhe mbrojtës të të drejtave të grave.

Kazemi ka thënë se i është kërkuar të identifikojë disa njerëz mbrapa llogarive anonime, por shumë të popullarizuara në Twitter.

Qytetarët iranianë – “të pashpresë dhe të pakënaqur”

Kur Kazemi ka refuzuar, agjentë të inteligjencës e kanë kërcënuar me hapje të një rasti të ri kundër tij dhe i kanë bërë presion gruas së tij, Shima Tadresi, duke e rikthyer një rast të vjetër kundër saj, të lidhur me kritika për vendosje të detyrueshme të hixhabit.

Ai ka thënë se shumë gazetarë që janë përballur me presion të ngjashëm, ose kanë humbur vendet e punës, ose janë detyruar të largohen dhe të gjejnë vende të reja të punës.

Kazemi ka thënë se njeh gazetarë që janë duke shitur gazeta, apo janë duke punuar nëpër kafiteri.

Vetë Kazemi, që ka punuar për gazeten reformiste Sharq, ka ngjyrosur ndërtesa për të fituar para për jetesë.

Gazetari Masoud Kazemi duke ngjyrosur një banesë.

Kur ka gjetur një punë në një kompani kontabiliteti, ai ka thënë se Garda Revolucionare e ka kërcënuar menaxherin e kompanisë, i cili ka vendosur të mos e pranojë në zyrë.

Në ditën kur i ka skaduaar ndalesa për udhëtim, ai ka aplikuar për pasaportë dhe ka udhëtuar në Turqi me gruan e tij, duke shpresuar se do të gjejë jetë më të mirë, dhe ku të dy do të mund të punojnë të lirë.

Vendimi i Kazemit për t’u larguar nga Irani flet për kushtet e vështira të gazetarëve në këtë shtet.

Dhjetëra prej tyre janë marrë në pyetje, u është bërë presion dhe janë dënuar me burgim. Disa janë detyruar të ikin derisa ata që kanë mbetur duhet të respektojnë rregulla dhe censurë të pashkruar.

Arrestime në Iran për keqtrajtimet e dyshuara në burg

Kazemi ka thënë se viteve të fundit është rritur presioni i zyrtarëve të inteligjencës ndaj gazetarëve.

“Më përpara, (autoritetet) kanë arrestuar shpejt gazetarët, mirëpo tani njoh shumë gazetarë që janë marrë ne pyetje dhe janë shqetësuar. Kompjuterët e tyre dhe pajisjet tjera – përfshirë telefonat mobilë – u janë konfiskuar dhe përmbajtja është përdorur për t’i kërcënuar ata ose për t’iu kërkuar që të bashkëpunojnë”, ka thënë ai.

“Kur një gazetar arrestohet, kjo gjë raportohet në media dhe grupet për të drejta të njerëzve dhe lirisë së mediave reagojnë, sikur që ka qenë rasti im. Mirëpo shtimi i presionit është më pak i kushtueshëm (për autoritetet, në krahasim me arrestimin)”, ka thënë Kazemi, duke shtuar se një presion i tillë ndaj gazetarëve zakonisht mbetet i pavërejtshëm.

Reza Moini, udhëheqës i zyrës për Iran dhe Afganistan në organizatën Reporterët pa Kufij, ka thënë për Radion Evropa e Lirë se në tre vjetët e fundit, më shumë se 50 gazetarë janë kërcënuar, janë marrë në pyetje – ndonjëherë edhe përmes telefonit – nga zyrtarë të inteligjencës në Iran, për shkak të punës së tyre që, lidhet me mbulim të temave të ndjeshme për qeverinë.

Irani zë vendin e 174-t, nga 180 sa janë në total, në Indeksin e Reporterëve pa Kufij, sa i përket lirisë së mediave në botë./rel

LEXO TE PLOTE

Politikë

Berisha injoron totalisht Bashën/ Do të shkoj në mbledhje kur të më teket

Publikuar

-

Nga

Berisha në listën e zezë të SHBA/ Artan Hoxha ‘zë ngushtë’ Bashën

Ish kryeministri Sali Berisha ka injoruar totalisht vendimin e kreut të PD, Lulzim Basha.

I ftuar në emisionin Zonë e Lirë, i pyetur nëse do të shkojë në mbledhjet e grupit parlamentar të PD, Berisha tha : Kur të më teket.

Ish kryeministri tha i vendosur se asgjë nuk e ndan nga ata dhe se është anëtar i atij grupi.

LEXO EDHE:  Miratohet Reforma në Drejtësi

LEXO EDHE:  Nga Bujar Nishani / Reforma në drejtësi rrezikon degradimin



Biseda

Arian Çani: Do shkosh në mbledhje të grupit parlamentar të PD

Sali Berisha: Kur të më teket. Asgjë s’më ndan nga ata, jam anëtar i atij grupi./ CNA.al

LEXO TE PLOTE