E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Shantazh prokurorëve/ Dosja 339 “çmend” Donika Prelën

30 Janar 2019, 09:34, Aktualitet CNA

Prokuroria është shndërruar në institucionin më me pa autoritet.

Kjo falë drejtuesve. Drejtuesja e komanduar e Prokurorisë për Krime të Rënda detyron prokurorët që të dalin e ta mbrojnë nga akuzat e politike.

E gjendur në fund të pusit, Prela, e cila është akuzuar nga PD, se është pjesë e dosjes së famshme 339, në vend që të ndjekë procedurat ligjore ua la ?bombën? në duar prokurorëve.

Ekzistojnë procedura ligjore për të kundërshtuar akuzat e ngritura nga PD dhe jo vetëm.

Prela ose nuk i di, ose qëllimshëm luan ndonjë lojë për t?ia hedhur Vettingut.

Në një deklaratë të shpërndarë për mediat, prokurorët Vladimir Mara dhe Dritan Prençi, rrëzuan pretendimet e PD-së.

?Në lidhje me njoftimin publik të bërë të diur në konferencën për shtyp dt 28.01.2019 nga zoti Enkeleid Alibeaj, në selinë e Partisë Demokratike, se Drejtuesja e Prokurorisë së Krimeve të Rënda znj. Donika Prela, rezulton e përfshirë në përgjimet e dosjes 339 në komunikim me antarë të grupit Avdylaj, ju bëjmë me dije se faktet e deklaruara janë të pavërteta?.

Prokurorët në fjalë, të cilët janë bërë pjesë e skandalit ?Prela?, ose janë analfabetë në profesionin e tyre, ose Prela i shantazhon me ndonjë sekret që ajo ua di.

Si munden këta prokurorë të bëhen vegla të Donika Prelës, kur ekzistojnë ligje të cilët ata është dashur t?i ndjekin dhe jo të merren me statuse të rrjeteve sociale apo me deklarata të politikanëve?

Nëse ka diçka të pavërtetë nga ajo çfarë është thënë, mund të procedojnë ligjërisht, lidhur me veprën penale të shpifjes dhe jo të bëhen tellall e lolo me letra publike.

Ku është pavarësia e prokurorëve në punën e tyre? Prokurori është i thirrur të zbatojë ligjet dhe të faktojë veprime të ndryshme në Gjykatë. Nuk është fallxhor, që shpreson, beson e veprime të tjera si këto.

Nga njëra anë kërkojnë pavarësi dhe nga tjetër bien pre e politikës.

Sipas Nenit 148 të Kushtetutës, pika 2, Prokuroria është organ i pavarur që garanton mbarëvajtjen, kontrollin e veprimeve të saj dhe respekton pavarësinë e brendshme të prokurorëve për hetimin dhe ndjekjen penale, sipas ligjit.

Në Ligjin Nr.8737, datë 12.2.2001 (Ndryshuar me ligjin nr.10 051, datë 29.12.2008), Neni 4 mbi Ligjshmërinë e veprimtarisë, pika 1 thuhet se ?Prokurorët në ushtrimin e detyrës u nënshtrohen Kushtetutës dhe ligjeve?

Ndërsa në nenin 6, mbi ?Marrëdhëniet me publikun?, pika 2 thuhet se ?Prokurorisë nuk i lejohet të japë të dhëna që dëmtojnë procesin e hetimeve, që cënojnë dinjitetin dhe jetën private të personave, që cenojnë të drejtat e të miturve dhe moralin publik?.

Pra, siç saktësohet në Kushtetutë dhe Ligje, prokurorët nuk i detyrohen politikës, rrjeteve sociale, apo shantazheeve dhe kërcënimive të eprorit./CNA.al